Kuni kecha 8-dekabr baxtimiz qomusi “Konstitutsiya kuni” ga bagʼishlab hamda 2017 yil 3 iyunda PQ-3031-sonli Oʼzbekiston Respublikasi Prezidenti Shavkat Mirziyoyevning “Jismoniy tarbiya va ommaviy sportni yanada rivojlantirish chora-tadbirlari toʼgʼrisida”gi Qarorining amalda ijrosini taʼminlash hamda Oʼzbekiston Respublikasi Prezidenti tomonidan ijtimoiy, maʼnaviy-maʼrifiy sohalardagi ishlarni yangi tizim asosida yoʼlga qoʼyish boʼyicha ilgari surilgan 5 ta muhim tashabbusning 2 yo`nalishi boʼyicha shu bilan birgalikda yengil atletika sport turini talaba-yoshlar oʼrtasida targʼibot va tashviqot qilish maqsadida universitet talaba-yoshlari oʼrtasida yengil atletika sport turidan kross tashkil qilib oʼtkazildi.Bu musobaqada barcha fakultetlardan yengil atletika bilan shugʼullanayotgan va shugʼullanishni orzu qilayotgan oʼgʼil va qiz talabalarimizdan jami 200dan ortiq yoshlar ishtirok etdilar. Musobaqa qizgʼin va murosasiz tarzda oʼtdi. Musobaqa yakuniga koʼra jamoalar quyidagi faxrli oʼrinlarni egalladilar:I-oʼrin Jismoniy madaniyat fakulteti jamoasi aʼzolari;II-oʼrin Filologiya fakulteti jamoasi aʼzolari;III- oʼrin Fizika va matematika fakulteti jamoasi aʼzolari;“Gʼalabaga ishonch” nominatsiyasi gʼolibi Harbiy ta`lim fakulteti jamoasi aʼzolari bo`ldilar. Musobaqani “Fakultetlararo jismoniy madaniyat va sport” kafedrasi professor-oʼqituvchilari namunali tarzda tashkil qilib oʼtkazdilar. Gʼoliblar “Talaba” sport klubi tomonidan I-II-III darajali faxrli diplomlar va sovgʼalar bilan taqdirlandilar.