Shu yilning 16-noyabr kuni Buxoro davlat universiteti hamda “Umrboqiy meros” O’zbekiston madaniyati va san’ati targ’ibot markazi tashabbusi bilan yoshlar bilan ishlashni samarali tashkil etilsh bo’yicha muhim 5 ta tashabbus doirasida Sadriddin Salim Buxoriy xotirasiga bag’ishlangan “Sharif shahar shoiri” mavzusidagi ma’rifat kechasi o’tkazildi.Ma’rifat kechasini Buxoro davlat universiteti rektori O.X. Xamidov ochib berdi. Tadbir Buxoro davlat universiteti “Buxoriylar” masʼuliyati cheklangan jamiyat rahbariyati, Yoshlar bilan ishlash boʼlimi, Filologiya fakulьteti Oʼzbek adabiyoti kafedrasi professor-oʼqituvchilari, Yozuvchilar uyushmasi Buxoro viloyat boʼlimi, Buxoro viloyat hokimligi bilan hamkorlikda tashkil etildi. Tadbirda Buxoroning atoqli shoiri Sadriddin Salim Buxoriyning shogirdlari, yaqin qarindoshlari, shuningdek , bir guruh adabiyot ixlosmandlari ishtirok etdilar.Tadbir davomida shoirning tarjimonlik faoliyati, asarlari borasida fikr-mulohazalar tinglandi. Sadriddin Salim Buxoriyning ibratli hayoti va umrboqiy merosi haqida shoirlarning doston yozgani, yozuvchilar u haqidagi xotiralarini gazeta va jurnallarda, kitoblarda bitgani, radio va televideniyada turkum koʼrsatuvlar namoyish etilayotgani, shuningdek, maʼnaviy-maʼrifiy kechalar tashkil qilinayotgani koʼtarinki ruhda taʼkidlandi. Sadriddin Salim Buxoriy (Sadriddin Salimov) 1946 yil 16 sentyabrda Buxoro shahridagi Choʼpboz guzarida tugʼilgan. Buxoro pedagogika institutining nemis tili fakultetini tamomlagan (1972), uzoq yillar ushbu dargohda yoshlarga saboq bergan. «Oqqushim», «Erka qushim» (1979), «Yorugʼlik odami» (1983), «Roʼmolcha» (1988), «Buxoroga Buxoro keldi» (1999), «Durdonalar» (2005) kabi sheʼriy toʼplamlari nashr etilgan. Bir nechta tarixiy-maʼrifiy kitoblar ham yozgan («Bahouddin Naqshband yoki yetti pir», 1993; «Uch avliyo», 2000; «Hazrat Аbu Kafs Kabir», 2006; «Ikki yuz yetmish yetti pir», 2006; «Hazrat Bahouddin Naqshband», 2006; «Hazrat Kaʼbul Аxbor Valiy», 2007 va boshqa). U besh qismdan iborat “Imom al Buxoriy” televideofilmi, “Аbu Xafs Kabir”, “Hojai Jahon” telefilmlari ssenariysi muallifi. U Gyotening “Gʼarbu Sharq devoni” kitobini olmon tilidan, Xoja Orif Revgariyning “Orifnoma”, Muhammad Boqirning “Maqomati Shohi Naqshband”, Hoja Shahobiddinning “Maqomati Sayid Mir Kulol” kitoblarini fors-tojik tilidan oʼzbek tiliga tarjima qilgan. «Mehnat shuhrati» ordeni (1999) va «Fidokorona xizmatlari uchun» (2005) ordeni bilan mukofotlangan. Sadriddin Salim Buxoriy 2010 yilning fevral oyida vafot etgan.Buxoro davlat universiteti Matbuot kotibi Otabek Jalolov
