2019-yilning 28-oktabr kuni Buxoro davlat universiteti markaziy o'yingohida "Universiada-2019" sport musobaqalarining futbol turi bo'yicha hududiy saralash bosqichining 2-kunida Buxoro hamda Navoiy viloyati talabalari maydonga tushishdi.Shiddatli o'tgan o`yinda Buxoro viloyati jamoasi Navoiylik yoshlarning darvozasiga ketma-ket zarbalar yo`llab dastlabki daqiqalarda hisobni ochishdi. Yakunda hisob 2-1 ko`rinishida yakunlandi. Kunning ikkinchi yarmida Qoraqalpog`iston Respublikasi va Xorazm viloyati yoshlari o'rtasida o`yin o`tkazilib, Qoraqalpoq yoshlari 5-1 hisobida Xorazmlik do`stlariga alamli mag`lubiyat keltirishdi. Shu bahslardan so`ng g`olib jamoa Respublika bosqichiga, mag`lublar esa uylariga kuzatildi. O`yingohda to`plangan talaba yoshlar o`zlarining jamoalarini turli atributlar yordamida ruhan qo`llab quvvatladilar.Buxorolik talabalarning keyingi o`yinlarida zafar tilab qolamiz. Birinchi Prezidentimiz ta`kidlaganlaridek, "Marrani kengroq oling yoshlar, bugungi kun bizniki, marra bizniki"dir. Muxtasar qilib aytganda, hozirgi geopolitik jamiyatda hech qaysi soha sportchalik mamlakatni dunyoga tanita olmaydi!Buxoro davlat universiteti Matbuot kotibi Otabek Jalolov
