“Davlat tili haqida”gi Qonun qabul qilinganining 30 yilligi munosabati bilan Buxoro shahridagi Fitrat bog`ida “Tariximsan, taqdirimsan, kelajagimsan, jon ona tilim” shiori ostida “Abdurauf Fitratning o`zbek tili ravnaqiga qo`shgan hissasi” mavzusida adabiy-ma’rifiy tadbir bo`lib o`tdi.Talaba yoshlar o`zbek tili va tilshunosligi ravnaqiga salmoqli hissa qo`shgan Buxoro farzandi Abdurauf Fitrat haykali poyiga gulchambar qo`yishdi. Tadbir Buxoro shahar hokimi K.J. Kamolov tabrik so`zi bilan ochildi. BuxDU professori, filologiya fanlari doktori Sh. Axmedovaning “Abdurauf Fitratning hayoti va ijodi”, “Buxoro oqshomi” gazetasi muharriri M. To`xtayevning “Abdurauf Fitrat ijodiga bir nazar” mavzusidagi ma’ruzalari tinglandi.