Buxoro davlat universiteti Yoshlar bilan ishlash, maʼnaviyat va maʼrifat boʻlimi tomonidan 2019 yilning 24-25-26 oktabr kunlari “guruh murabbiylarining 16 soatlik dastur asosida malaka oshirish maxsus kursi” tashkil etildi.Oʻquv kursini oʻtkazishdan asosiy maqsad Oʻzbekiston Respublikasi Prezidentining “Maʼnaviy-maʼrifiy ishlar samaradorligini oshirish va sohani rivojlantirishni yangi bosqichga koʻtarish toʻgʻrisida”gi PQ- 3160-sonli hamda “Maʼnaviy-maʼrifiy ishlar samaradorligini oshirish boʻyicha qoʻshimcha chora-tadbirlar toʻgʻrisida”gi PQ-4307-sonli qarorlarining mazmun-mohiyatini yetkazish, respublikada olib borilayotgan maʼnaviy-maʼrifiy ishlarning holati va istiqboldagi vazifalar, universitet guruh murabbiylarining majburiyatlari va ular tomonidan amalga oshiriladigan ishlarni tizimli shakllantirishdan iborat. Oʻquv kursining dastlabki kuni Viloyat IIB huquqbuzarlik profilaktikasi boshqarmasi katta inspektori, kapitan Qobilov Erkin Shavkatovich “Ijarada va qarindosh urugʻlarinikida istiqomat qiluvchi talabalar bilan ishlash boʻyicha IIB hamda MFYlari bilan hamkorlikda qilinishi lozim boʻlgan ishlar” toʻgʻrisida maʼruzasi tinglandi. “Oʻzbekiston Respublikasida yoshlarga oid davlat siyosati toʻgʻrisida”gi qonunining mazmun mohiyati hamda Prezidentimizning 5 ta muhim tashabbusi doirasida amalga oshirilayotgan ishlar” toʻgʻrisida BuxDU Yoshlar bilan ishlash, maʼnaviyat-maʼrifat boʻlimi boshligʻi A.M.Jumayev fikrlari tinglandi. Bugungi kunda talaba-yoshlarning huquqiy, maʼnaviy, maʼrifiy ongini rivojlantirish maqsadida olib borilayotgan keng koʻlamli ishlar samarasini mazmun-mohiyatini anglab yetgan holda toʻgʻri tashkil eta bilish, guruh murabbiylariga yuklatilgan vazifalarni oʻz vaqtida sifatli bajarish yuzasidan fikr almashildi. Yoshlar ittifoqi viloyat Kengashi raisi oʻrinbosari, viloyat “Kamalak” bolalar tashkiloti raisi Baratova Madina Hasanovna kun tartibi yuzasidan soʻzga chiqib, bugungi kunda talaba-yoshlar uchun yaratilgan shart-sharoitlar, imkoniyatlar, turli mazmundagi talabalar orasida oʻtkaziladigan tanlovlar, Oʻzbekiston Yoshlar Ittifoqi tomonidan berilayotgan imtiyozlar borasida gapirib oʻtdilar. Buxoro davlat universiteti psixologi D.Hamdamova “Shaxs va boshqaruv psixologiyasi” mavzusidagi maʼruzasi ishtirokchilar tomonidan tinglandi. Shaxs haqida tushuncha, odam-inson-individuallik tushunchalari, shaxs ijtimoiy taʼsirlar maxsuli sifatida, oʻqituvchi psixologiyasi, oʻqituvchining vazifalari, oʻqituvchining kasbiga xos xislatlari, pedagogik qobiliyatlar, oʻqituvchi professiogrammasi, jamiyatda oʻqituvchining tutgan oʻrni va vazifalari, zamonaviy oʻqituvchiga qoʻyiladigan talablar, oʻqituvchi va oʻquvchilar orasidagi oʻzaro munosabatlar, oʻqituvchining kompetensiyasi, oʻqituvchining oʻz malakasini oshirib borishning psixologik muammolari borasida taqdimot qilindi. “Maʼnaviy oʻquv” kursining ikkinchi kuni BuxDU Milliy gʻoya, maʼnaviyat asoslari va huquq taʼlimi kafedrasi dotsenti S.S.Raupov “Ommaviy madaniyat -maʼnaviyatga tahdid sifatida” mavzusida maʼruzasi tinglandi. S.S.Raupov “Zamonaviy texnika va texnologiyalarning rivojlanishi tufayli “ommaviy madaniyat” ham keng tarqalmoqda. Endilikda odamlarning ayrim guruhlari anʼanaviy madaniyatni - axloq-odobni, urf-odatlarni tan olmay qoʻydi. Shu kungacha “ommaviy madaniyat”, deganda oʻzida axloqsizliklarni jamlagan behayoliklarni tushunardik. Endilikda ommaviy madaniyat qirralari iqtisodiyot, siyosat va mafkurada ham koʻzga tashlanmoqda” degan gʻoyalarni ilgari surdilar.Yoshlar bilan ishlash, maʼnaviyat va maʼrifat boʻlimi uslubshunosi S.M.Muxlisov bugungi kunda BuxDUda “Guruh murabbiylarining majburiyatlari, vazifalari, ular tomonidan amalga oshiriladigan ishlarni tizimli shakllantirish” mavzusida maʼruzalari ishtirokchilar tomonidan tinglandi. Guruh murabbiylari hujjatlarni tizimli ravishda shakllantirishlari, berilgan topshiriqlarga masʼuliyat bilan yondashish, guruhda olib borilayotgan ishlarning sifatini oshirish borasida fikr almashildi.Malaka oshirish maxsus kursining uchinchi kuni faxriy jamoatchi, Xotin-qizlar qoʻmitasi faoli, falsafa fanlari doktori, professor, “Mehnat shuhrati” ordeni sohibasi Shermuxammedova Jamila Toshpulatovna soʻzga chiqib, bugungi kunda yoshlar orasida odob-axloq qoidalariga rioya qilish, taʼlim tarbiya jarayonida yoshlarning muomala madaniyati, talaba va oʻqituvchi orasidagi muomalaning madaniyati borasida trening oʻtkazildi. Ayniqsa, yoshlar hayotida kitobxonlikning muhim ahamiyat kasb etishi, qayerdaki maʼrifat, ziyo boʻlsa, oʻsha yerda yaxshi farzandlar kamolga yetishiga urgʻu berildi. Shermuxammedova Jamila Toshpulatovna ѐshlar-mamlakat taraqqiѐtining muhim omili deya taʼkidladi. Shunday ekan bizning har bir shaxsning kamol topishiga, taʼlim va tarbiya olishiga befarq boʻlmasligimiz toʻgʻrisida fikr yuritildi. Malaka oshirish maxsus kursi davomida guruh murabbiylari oʻzlarini qiziqtirgan barcha savollarga kurs maʼruzachilari tomonidan yetarlicha javob olib bildilar.Yoshlar bilan ishlash, maʼnaviyat va maʼrifat boʻlimi uslbushunosi Sh.Radjabova
