O'zbekiston Respublikasi Prezidenti Sh.M. Mirziyoyevning yoshlar ma'naviyatini yuksaltirish, ularning bo'sh vaqtini mazmunli tashkil etish bo'yicha ilgari surgan 5 ta muhim tashabbuslariga asosan Buxoro davlat universitetida San‘atshunoslik fakulteti Tasviriy san'at va muhandislik grafikasi kafedrasi tashabbusi bilan 25-oktabr kuni bir qator izlanuvchan, shijoatli yoshlarimizni kashf qilish hamda ularni munosib rag‘batlantirish maqsadida "Rangtasvir va amaliy san'at" ta'lim yo'nalishi talabalari orasida "Rektor sovrini" uchun tanlov bo'lib o'tdi.Talaba-yoshlar quyidagi nominatsiyalar bo'yicha ishtirok etishdi:1. "Jonajon Vatan mangu bo'l omon!" mavzusida kompozitsiya bajarish;2. Rang tasvirda kompozitsiya bajarish;3. Qalamtasvirda kompozitsiya bajarish.Kunning birinchi yarmida yoshlarimiz o`zlarining ijod na`munalarini gallereya shaklida namoyish etishdi. Kunning ikkinchi yarmida talabalar turar joyida mazkur tanlovning tantanali taqdirlash marosimi o‘tkazildi. Marosimni universitet rektori O.X. Xamidov ochib berdilar. Tanlov doirasida talaba yoshlar "qalam tasvir", "rang tasvir" va "kompozitsiya" nominatsiyalari bo'yicha o'z mahoratlarini namoyon etishdi. Ishtirokchilarning ijodiy ishlari hakamlar tomonidan odilona baholanib, g'oliblar tashkilotchilar tomonidan diplom va esdalik sovg'alari bilan taqdirlanishdi. Tadbir so'ngida uyushtirilgan badiiy chiqishlar hamda konsert dasturi talabalarga madaniy hordiq va zavq bag'ishladi.Buxoro davlat universiteti Matbuot kotibi Otabek Jalolov
