Oʼzbekiston Respublikasi Prezidenti Sh.M.Mirziyoev rahbarligida 2019 yil 19 mart kuni yoshlar bilan ishlashni samarali tashkil etishda madaniyat, sanʼat, sport, axborot texnologiyalari, kitob oʼqishga qiziqishini oshirish boʼyicha 5 ta muhim tashabbusni amalga oshirish, bolalarni kuzgi taʼtil dam olishlarini maroqli va mazmunli tashkil etish maqsadida joriy yilning 9 noyabr kuni Buxoro shahridagi 32-sonli Mehribonlik uyida Oʼzbekiston yoshlar ittifoqi Buxoro viloyati Kengashi hamda Buxoro davlat universiteti Tarix va madaniy meros fakulteti bilan hamkorlikda “5 tashabbus – 5 imkon” mavzusida madaniy tadbir tashkil etildi.Bayram tadbirida taʼlim muassasalarida 5 ta muhim tashabbus boʼyicha tashkil etilgan toʼgarak aʼzolarining chiqishlari, bolalar musiqa va sanʼat maktabi hamda bolalar oʼsmirlar sport maktabi oʼquvchilari ishtirokida kontsert dasturi tashkil etildi. Tadbir davomida 2019-2020 oʼquv yilining 1 choragida namunali xulqi va aʼlo baholari, jamoat ishlaridagi faolligi bilan namuna koʼrsatgan bir guruh mehribonlik uyi tarbiyalanuvchilari diplom bilan taqdirlandi. Tadbir soʼngida mehribonlik uyi tarbiyalanuvchilariga homiylarning oʼquv qurollari jamlanmasi tashkilotchilar tomonidan taqdim etildi. BuxDU matbuot xizmati xodimi: Javohir Saidov
