2019-yil 1-oktabrdan 31-oktabrgacha Buxoro davlat universiteti pedagogika fakulteti 4-2PPS-17 guruh talabasi Ro`ziyeva Shohida Yaponiyaning Fukuoka shahriga borib keldi.“O`zbekiston-Fukuoka jamiyati”ning “Homestay” programmasida qatnashib, Fukuoka shahrida O`zbek madaniyatini targ`ib etdi, Yapon madaniyatini o`rgandi. “O`zbek va yapon to`ylari madaniyati” mavzusida tadqiqot olib borib, yapon to`ylari bilan tanishdi, o`zbek to`ylari bilan yaponlarni tanishtirdi. 1 oylik safarida faqat o`qibgina qolmay, Fukuoka shahrining xushmanzara joylarida aylandi. Yapon xalqiga O`zbekiston haqida, uning madaniyati haqida chuqurroq ma`lumot berdi. Shuningdek, Fukuoka shahrining diqqatga sazovor joylarini ko`rdi, maktabgacha ta`lim tizimi va nafaqadagilarning bo`sh vaqtlarini mazmunli tashkil etish bilan shug`ullanadigan tashkilotlarga borib, ular bilan tanishdi. 1 oylik safar taassurotlarga boy bo`ldi. O`rgangan narsalari besamar ketmay, jamiyatning estalik sovg`alari va sertifikat bilan taqdirlandi.
