Buxoro davlat universiteti Xorijiy tillar fakulteti Ingliz adabiyoti va Ingliz tilshunosligi kafedrasi professor-oqituvchilari tomonidan Buxoro viloyat xalq taʼlimi boshqarmasi, Buxoro viloyat xalq taʼlimi oʼqituvchilarini qayta tayyorlash va malakasini oshirish instituti bilan hamkorlikda Buxoro shahar 23-maktabda joriy yilning 25-oktabrida “Taʼlim sifati va samaradorligini oshirish - asosiy maqsadimiz” mavzusida ilmiy-amaliy seminar tashkil qilishdi.Maʼlumki, oʼzgarishlar davrida taʼlim tizimi ijtimoiy jarayonlardan kelib chiqqan holda shiddat bilan rivojlanishni taqozo etadi. Taʼlim orqali jamiyatda kelajakdagi vazifalarni bajarishga qodir boʼlgan yangi avlod shakllantiriladi. Shuni inobatga olgan holda keyingi yillarda taʼlim sohasining barcha bosqichlarini zamonaviy talablar asosida tashkil etish boʼyicha farmon va qarorlar qabul qilindi. Davlatimiz rahbarining 2017 yil 30 sentyabrdagi qaroriga muvofiq Xalq taʼlimi vazirligining boshqaruv tizimi takomillashtirildi, asosiy vazifa va faoliyat yoʼnalishlari belgilab berildi. Oʼquv-tarbiya jarayoniga ilgʼor pedagogik va axborot-kommunikatsiya texnologiyalarini joriy etish, oʼqituvchilarning jamiyatdagi mavqeini yuksaltirish orqali taʼlim sifatini oshirish boʼyicha koʼplab vazifalar qoʼyildi.Taʼlim sifatini xolisona monitoring qilish imkonini beradigan milliy baholash tizimini yaratish; taʼlim sifatiga taʼsir qiluvchi moddiy-texnik bazani shakllantirish, xalqaro ilmiy tadqiqot ishlarini olib borish, xalqaro tadqiqotlar asosida qoʼshimcha metodik qoʼllanma va adabiyotlar yaratish, xalqaro tadqiqotlar yoʼnalishlaridagi savollar milliy bazasini yaratish va oʼquv dasturlariga integratsiya qilish, xalqaro tadqiqotlarga asoslangan holda tegishli fanlardan oʼqitishning shakllari, metodlari va texnologiyalarini yangilash va oʼqituvchilarning bu borada xabardorligini oshirish, tayyorgarligini kuchaytirish boʼyicha ilmiy - amaliy seminar va treyninglar tashkil etish kabi vazifalar taʼlim oldiga qoʼyilgan. Shu maqsadda Buxoro davlat universiteti, Buxoro viloyat xalq taʼlimi boshqarmasi, Buxoro viloyat xalq taʼlimi oʼqituvchilarini qayta tayyorlash va malakasini oshirish instituti tomonidan Buxoro shahar 23-maktabda joriy yilning 25-oktyabrida “Taʼlim sifati va samaradorligini oshirish - asosiy maqsadimiz” mavzusida ilmiy-amaliy seminar tashkil qilishdi. Ilmiy-amaliy seminarning asosiy maqsadi – yosh oʼqituvchilarga til oʼqitish uslubiyotini oʼrgatish, yangi pedagogik va innovatsion usullar bilan tanishtirish, barkamol avlodni tarbiyalashda tilning ahamiyatini tushuntirishdan iborat. Mazkur maktabning yetakchi oʼqituvchilari 2019-yilning “Yil oʼqituvchisi” tanlovi viloyat bosqichi gʼolibi Mahmudova Gulshod, tajribali metodist Xaydarova Laylo, yosh oʼqituvchilar Raximova Zilola, Saylieva Gulruh, Hamroeva Dilnozalar hamda Аmerikalik oʼqituvchi Mina Gavell tomonidan tashkillashtirilgan ochiq darslar, taqdimotlar barcha qatnashchilar uchun qiziqarli va samarali boʼldi.Maktab jamoasiga ilmiy-amaliy seminarni tashkil etishda Buxoro davlat universiteti Xorijiy tillar fakulteti Ingliz adabiyoti va Ingliz tilshunosligi kafedrasi professor-oʼqituvchilari Аhmedova M.B., Xaydarov А.А va Umurova X.X.lar yaqindan yordam berishdi. Ilmiy-amaliy seminar badiiy dastur bilan davom ettirildi, maktab oʼquvchilari ingliz tilida ravon soʼzlab,sheʼr va qoʼshiqlar ijro etishdi. Yigʼilganlarni Xorijiy tillar fakulьteti dekani M.M. Joʼraeva va Ingliz adabiyoti kafedrasi mudiri N.F.Qosimovalar qutlashdi va maktab maʼmuriyatiga oʼz minnatdorchiliklarini bildirishdi.Oliy taʼlim tizimining maktablar bilan hamkorligi doirasida tashkil qilingan bu tadbir yigʼilganlarda katta taassurot qoldirdi va kelgusidagi hamkorlik uchun poydevor boʼlib qoladi, deb umid qilamiz.
