2019-yilning 22-oktabr kuni Buxoro davlat universiteti Iqtisodiyot va turizm fakulteti 3-3MX-17 guruh talabalari ishtirokida “Mehmonxonalarda standartlashtirish va sertifikatlashtirish” fanidan sayyor dars o’tkazildi. Ushbu darsda Buxoro viloyat turizmni rivojlantirish departamenti “Litsenziyalash” bo’limi boshlig’i M. Qobilov, bosh mutaxassis N. Norov, Buxoro Davlat Universiteti “Turizm va mehmonxona xo’jaligi” kafedrasi o’qituvchilari Sh. Kadirova, 3-3MX-17 guruh talabalari qatnashishdi.Kun tartibiga 1-masala yuzasidan Buxoro viloyat turizmni rivojlantirish departamenti “Litsenziyalash” bo’limi boshlig’i M. Qobilov so’zga chiqib, talabalarni department faoliyati va boshqaruv strukturasi bilan tanishtirib o’tdi. Tanishtiruv jarayonida departamentda mavjud bo’lgan har bir bo’lim, xususan “Litsenziyalash” bo’limining ish faoliyati, vazifalari va kelgusidagi rejalari to’g’risidea ham ma’lumotlar berib o’tildi.2-masala yuzasidan Buxoro viloyat turizmni rivojlantirish departamenti “Litsenziyalash” bo’limi bosh mutaxassisi N.Norov so’zga chiqib, turizm sohasida bugungi kunda amalga oshirilayotgan islohotlar, jumnladan qonunchilikdagi o’zgarishlar, O’zbekiston Respublikasi Prezidentining Qaror va Farmonlari to’g’risda batafsil ma’lumot berib o’tdi. Shuningdek, suhbat davomida turizm sohasidagi davlat standartlariga kiritilayotgan o’zgartirishlar, sertifikatlashtirish sohalari va jarayonlari to’g’risida ham zarur ma’lumotlarni aytib o’tdi.3-masala yuzasidan Buxoro viloyat turizmni rivojlantirish departamenti “Litsenziyalash” bo’limi boshlig’i M. Qobilov so’zga chiqib, aynan mehmonxona xo’jaligi sohasida standartlashtirish va sertifikatlashtirishni amalga oshirish jarayoni, tartibi, kerakli hujjatlar haqida ma’lumot berdi. Shuningdek, mehmonxonalarni kategoriyalar bo’yicha standartlashtirishda O’zbekiston Davlat standarti va xalqaro standartlardan foydalanish xususida ham tushunchalarni berib o’tdi.4-masala yuzasidan Buxoro viloyat turizmni rivojlantirish departamenti bosh mutaxassisi B.To’qsonov Buxoro shahrida barpo etilishi kutilayotgan “Bukhara City” loyihasi va uning maketi bilan tanishtirib, loyihani amalga oshirish istiqbollari va xorijiy hamkorliklar haqida ma’lumot berdi.Ushbu uchrashuv yakunida Buxoro viloyat turizmni rivojlantirish departamenti, xususan “Litsenziyalash” bo’limi faoliyati bilan bog’liq o’zlarini qiziqtirgan barcha savollarga mutaxassislardan javob olishdi. Shuningdek, M.Qobilov va N.Norovlar kelajakda Buxoro Davlat Universiteti “Iqtisodiyot va turizm” fakulteti bilan doimiy hamkorlikni davom ettirishni, hamda amaliy darslarda mutaxassislar bilan shunday uchrashuvlarni ko’paytirish tarafdori ekanliklarini ta’kidlab o’tishdi.
