Buxoro davlat universiteti rektori O.X. Xamidov, oʼquv ishlari boʼyicha prorektor M.I. Daminov hamda Tarix va madaniy meros fakulteti dekani v.b. J.R. Joʼraev Buxoro viloyati Kogon tumani Qasri Orifon qishlogʼi Oʼzbekiston musulmonlari idorasi tasarrufidagi Mir Аrab oliy madrasasiga tashrif buyurishdi. Tashrif davomida Mir Аrab oliy madrasasidagi taʼlim jarayoni bilan yaqindan tanishishdilar.Shuningdek, haftaning payshanba kunlari dars jadvali asosida Buxoro davlat universiteti Tarix va madaniy meros fakulteti “Islom tarixi va manbashunosligi” taʼlim yoʼnalishi 3-bosqich talabalarining “Qurʼonshunoslik va hadisshunoslik hamda Sharq tillari (arab fors) fanlaridan sayyor maʼruza va seminar darslari kuzatildi hamda oʼzaro hamkorlikning yangi jihatlari kelishib olindi. Taʼkidlash joizki, ikki oliy taʼlim muassasalari oʼrtasidagi innovatsion hamkorlik kelajakda nodir qoʼlyozma manbalari bilan ishlashga, ilmiy aloqalarni mustahkamlashga, yosh tadqiqotchilarini qoʼllab-quvvatlashga xizmat qiladi, kelajakda shakllanajak ilmiy jamoatchilikning yaqinlashishiga sabab boʼladi.
