Buxoro davlat universiteti Xorijiy tillar fakulteti xorijiy til va adabiyoti(ingliz tili) ta’lim yo‘nalishi 2-kurs talabari ishtirokida "BMTning Bola huquqlari to‘g‘risidagi Konvensiyasi qabul qilinganligining 30 yilligini nishonlashga bag‘ishlangan davra suhbati o’tkazildi.Ushbu tadbirda Xorijiy til va adabiyoti(ingliz tili) kafedrasi o‘qituvchilari Nusratova Aziza Cho‘liboyevna, Safarova Zilola Tolibovna, Qilichova Mehriniso Rajabovna, Milliy g‘oya ma’naviyat asoslari va huquq ta’limi kafedrasi katta o‘qituvchisi I. ShoevD. Qodirov xorijiy tillar xorijiy til va adabiyoti (ingliz tili) ta’lim yo‘nalishi 2 kurs talabari, kafedra professor- o‘qutuvchilari ishtirok etishdi. Kun tartibida Bola huquqlari to‘g‘risida konvensiya haqida Milliy g‘oya ma’naviyat asoslari va huquq ta’limi kafedrasi katta o‘qituvchisi I. Shoev ma’ruzasi tinglandi va talabalar, tadbir ishtirokchilari bilan savol-javob va muloqot o’tkazildi. I. Shoev - Bola huquqlari to‘g‘risida konvensiya — bolalar huquqi to‘g‘risidagi xalqaro huquq normalari kuchiga ega bo‘lgan hamda kelajakka qaratilgan eng to‘la va birinchi hujjat. BMT Bosh Assambleyasi tomonidan 1989 yil 20 noyabrda bir ovozdan qabul qilingan. Konvensiya 1959 yilda qabul qilingan Bola huquqlari deklaratsiyasi qoidalarini rivojlantiradi. Deklaratsiya „Insoniyat o‘zida mavjud bo‘lgan eng yaxshi narsalarning hammasini bolalarga berishga majbur“ deb eʼlon qilgan edi. Konvensiya esa ushbu Deklaratsiya va boshqa xalqaro hujjatlardagi bolalar huquqlari to‘g‘risidagi qonunlarni o‘zida mujassamlashtirgan. Bola huquqlari toʻgʻrisida konvensiya dunyoning barcha mintaqalaridagi xalqlar uchun teng ahamiyatga ega, asosiy maqsadi bolalar manfaatlarini mumkin qadar himoya qilishdan iborat. U muqaddima, 3 qism, 54 moddadan iborat.Konvensiyaga asosan agar milliy qonunlarda balog‘at yoshi birmuncha erta belgilangan bo‘lmasa, 18 yoshga to‘lmagan har qanday shaxs bola hisoblanadi. Bola huquqlari toʻgʻrisida konvensiya insonning fuqarolik, siyosiy, iqtisodiy, ijtimoiy va madaniy huquqlari yig‘indisidan iborat. U bolalar o‘zining axloqiy, aqliy va ruhiy qobiliyatlarini erkin rivojlantirishi uchun boshqa narsalardan tashqari sog‘lig‘i va atrof muhitning xavfsizligi, tibbiy yordamga ega bo‘lish va ovqatlanish, kiyim-kechak, turarjoy xususidagi minimal normalar bilan taʼminlanishi zarurligini talab etadi. Konvensiyaga ko'ra, bola o‘zining kamol topishida o‘zi faol ishtirok etish, o‘z fikrini bayon qilish huquqiga ega, bu esa uning hayotiga oid masalalarni hal etishda hisobga olinishini taʼminlaydi. Konvensiya bolaning yashash va sog‘lom rivojlanish huquqiga, farzandlikqa olish bilan boglits huquqqa, noraso bolalar va qochoq bolalar, shuningdek huquqbuzarlik sodir etgan bolalarning huquqlariga oid qoidalarni oʻz ichiga oladi, bolalarga gʻamxoʻrlik qilish va ularni himoya qilishda oila va ota onaning birinchi darajali roli, bolalarga yordam koʻrsatish borasidagi majburiyatini tan oladi.
