Jamiyat taraqqiyotiga jiddiy xavf soladigan illatlardan biri korruptsiyaga qarshi kurashish borasida kuchli huquqiy mexanizm yaratilgan. Poraxoʼrlikning oldini olish borasida targʼibot va tashviqot tadbirlari oʼtkazilishidan maqsad — jinoyatchilikning bu turini ildizi bilan yoʼqotishda jamoatchilik nazoratini kuchaytirish davr talabiga aylanib bormoqda.Shu maqsadda Oʼzbekiston Respublikasi Bosh Prokuraturasi huzuridagi iqtisodiy jinoyatlarga qarshi kurashish departamenti viloyat boshqarmasi va bank tizimi xodimlari hamkorlikda mavzuga oid davra suhbati oʼtkazildi.Tadbir Korruptsiyaga qarshi kurashish — dolzarb masala mavzusidagi fikr-mulohazalar bilan boshlandi. Maʼruzachilar olib borilayotgan targʼibot tadbirlari yoxud korruptsiyaga qarshi kurashish borasidagi huquqiy mexanizm mavjud boʼlsada, poraxoʼrlik illati toʼlik bartaraf etilmayotganligini alohida taʼkidladilar. Shuningdek, korruptsiyaning kelib chiqish omillari, korruptsiyaga qarshi kurashish borasida olib borilayotgan chora-tadbirlar va qabul qilinayotgan normativ huquqiy hujjatlarning mazmun-mohiyati ishtirokchilarga batafsil slaydlar yordamida tushuntirildi.Mazkur mavzuga oid tadbir oliy taʼlim tizimida ham boʼlib oʼtdi. BuxDUda tashkil etilgan ochiq muloqotda ham Korruptsiyaning kelib chiqish sabablarini aniqlash, unga qarshi kurashning samarali yoʼllarini topish boʼyicha halqaro tadqiqotlar, tahlillar prezentatsiya materiallarida koʼrsatib oʼtildi. Аniq faktlar asosidagi videoroliklar namoyish etildi.Tadbir yakunida ishtirokchilar oʼzlarini qiziqtirgan savollarga mutaxassislardan tegishlicha javoblar olishdi. 2019−2020 yillarda korruptsiyaga qarshi kurashish davlat dasturidan kelib chiqib oʼtkazilayotgan targʼibot tadbirlari keng koʼlamda davom ettiriladi.
