Oʼzbekiston Respublikasi Prezidentining “Iqtidorli yoshlarni aniqlash va yuqori malakali kadrlarni tayyorlashning uzluksiz tizimini tashkil etish chora-tadbirlari toʼgʼrisida”gi 2019 yil 3 maydagi PQ-4306 sonli qaroriga asosan 2019 yil 13 oktabr kuni Buxoro davlat universiteti, Oʼzbekiston Respublikasi Xalq taʼlimi vazirligi va Italiyaning Piza universitetlari hamkorlikda “Buxoro ochiq matematika olimpiadasi”ni tashkil etib oʼtkazdilar. Mazkur olimpiadaning ochilish marosimi davlat madhiyasi yangrashi bilan boshlandi. Marosimni BuxDU rektori O.X. Xamidov kirish soʼzi bilan ochib, ishtirokchilarni qutladi. Hozirgi kunda xalq va oliy taʼlim tizimida Prezidentimiz rahnomaligida olib borilayotgan islohotlar va iqtidorli yoshlar bilan ishlash boʼyicha keng koʼlamli tadbirlarga alohida toʼxtalib oʼtdi.Soʼngra olimpiada ishtirokchilarini BuxDU Matematika kafedrasi professori, f.-m.f.d., prof. Durdimurod Durdiev, Italiyaning Piza universiteti doktoranti Karim Raximov, Oʼzbekiston Respublikasi Xalq taʼlimi vazirligining fan olimpiadalari boʼyicha iqtidorli oʼquvchilar bilan ishlash departamentining yetakchi mutaxassisi Sardor Bazarbaevlar ham qutlab, ularning olimpiada jarayonida faol qatnashishida omad tilashdi.Olimpiadaga Respublikamizning turli hududlaridagi umumtaʼlim maktablarining 7-11 sinf oʼquvchilari, akademik litseylarning 1-2 bosqich oʼquvchilari va kasb-hunar kollejlarining 3-bosqich oʼquvchilaridan 1300 nafardan ortiq oʼquvchilar, xususan, Toshkent, Namangan, Samarqand, Navoiy, Qashqadaryo, Xorazm va Buxoro viloyati oʼquvchilari ishtirok etdilar.
