2019-yilning 31-avgust kuni Buxoro davlat universiteti rektori O.X. Xamidov hamda universitet professor-o'qituvchilari o'rtasida Yoshlar markazidagi katta yig'ingohda yangi o'quv yili oldidan hamda Buxoro davlat universitetini rivojlantirish strategiyasi bo'yicha uchrashuv bo'lib o'tdi. Unda universitet prorektorlari, bo'lim boshliqlari, professor-o'qituvchilari ishtirok etishdi.Uchrashuvda universitetni rivojlanishiga olib keladigan quyidagi ishlar muhim deb aytib o'tildi:✅Oliy ta'lim kapital qurilish sohasi bilan birgalikda mamlakatimizda korruptsiyadan xoli soha deb e'lon qilinganligini yana bir bor esga olaylik. Universitetda korruptsiyaning har qanday ko’rinishlariga uzil-kesil va butunlay barham berish bizning birinchi navbatdagi vazifamiz bo’lmog’i lozim;✅Qat'iy tartib-intizom, har qanday topshiriq va vazifalarni to’liq, sidqidildan, o’z vaqtida amalga oshirish;✅Kasbga sadoqat, xizmat va lavozim vazifalarimizga to’liq rioya qilish, ziyoli sifatida jamiyatda har bir ishimiz bilan barchaga o’rnak bo’lish;✅O’z ustida tinimsiz ishlash, xorijiy tillarni egallash va axborot kommunikatsion texnologiyalar, ta'limdagi innovatsiyalarni muntazam o’zlashtirib borish, tashabbuskor va faol bo’lish;✅Har bir talabaga yurtimizning ertangi kuni bunyodkorlari sifatida munosabatda bo’lish, ularda umumbashariy, yuksak insoniy fazilatlarni kamol toptirish, kasbiy ko’nikma, malaka va kompetentsiyalarni rivojlantirish, ularni Vatanga muhabbat ruhida tarbiyalash;✅5 ta muhim tashabbus bo’yicha tadbirlarni tashkil qilishda faol bo’lish, talabalarni madaniyat, adabiyot, teatr, rassomchilik bo’yicha iqtidorini yuzaga chiqarish, kompyuter va axborot texnologiyalarni egallashlariga yaqindan yordam berish, ularni sportga jalb qilish, kitobxonlikni keng targ’ib etish, xotin-qizlarni ish bilan ta'minlash yo’nalishlarida faollik ko’rsatish;✅Talabalar turar joylarida, ijarada yashovchi talabalarning o’qishdan tashqari hayotidan doimiy xabardor bo’lish, ularning ota-onalari bilan yaqindan munosabat o’rnatish;✅Har bir o’quv mashg’ulotiga alohida tayyorgarlik bilan kirish, darslarni interfaol usullarda tashkil qilish, ilg’or pedagogik va innovatsion texnologiyalardan keng va o’rinli foydalanish;✅Talabalarda mustaqil ta'lim olish, tanqidiy va ijodiy fikrlash, tizimli tahlil qilish, tadbirkorlik ko’nikmalarini shakllantirish, o’quv jarayonida kompetentsiyalarni kuchaytirishga qaratilgan metodika va texnologiyalarni joriy etish, o’quv jarayonini amaliy ko’nikmalarni shakllantirishga yo’naltirish, bu borada o’quv jarayoniga xalqaro ta'lim standartlariga asoslangan ilg’or pedagogik texnologiyalar, o’quv dasturlari va o’quv-uslubiy materiallarni keng joriy etish;✅Dars berayotgan fanlarga oid eng so’nggi yangiliklardan, ilg’or xorijiy tajriba, ilmiy yutuqlardan xabardor bo’lish, bilimlarni talabalarga yetkazishda mualliflik uslublariga, o’ziga xos samarali ilmiy va pedagogik yondashuvlarga ega bo’lish, o’quv qo’llanmalari, yangi avlod darsliklari, lug’atlar, elektron o’quv resurslarini yaratish, jahon amaliyotida keng qo’llanilayotgan sohaga oid o’quv adabiyotlarini o’zbek tiliga tarjima qilish bilan shug’ullanish;✅Maktablar bilan doimiy aloqada bo’lish, maktab o’qituvchilariga metodik yordam ko’rsatish, ular uchun “mahorat saboqlari”ni tashkil qilish;✅Jamoatchilik bilan keng ish olib borish, matbuot, OАV da faol bo’lish, internet muhitida, ijtimoiy tarmoqlarda universitetda olib borilayotgan ishlar bilan keng ommani tanishtirib borishda, universitet imidjini yaxshilashda yaqindan turib ko’mak berish;✅Talabalar bilimini xolis va adolatli baholash, ON va YaN da shaffoflikni ta'minlash, inson omilini minimal darajaga yetkazish;✅Web of Science, Scopus kabi nufuzli elektron bazalarga, OАK ro’yxatiga kiruvchi ilmiy jurnallarda maqolalar chop etish, Xalqaro konferensiyalarda, turli ilmiy va pedagogik tanlovlarda faol ishtirok etish;✅Ilmiy ishlar natijalarini tijoratlashtirish bo’yicha faollikni oshirish, ishlab chiqarish korxonalari, tashkilot va muassasalar, tadbirkorlik subyektlari bilan xo’jalik shartnomalarini tuzishga erishish;✅Startaplar, innovatsion, amaliy va fundamental grantlar, xorijiy ilmiy loyihalarda ishtirok qilish, ilmiy ishlanmalar yaratish orqali mualliflik guvohnomalari va patentlar olishga erishish;✅Yosh o’qituvchilarimizga – ilmiy tadqiqot ishlarini jadallashtirish, PhD va DSc uchun dissertatsiyalar himoyalarini tezlashtirish, tajribali fan doktorlari va professorlarimizga – shogirdlarni o’z vaqtida himoya qilishlariga ko’mak berish, shu yo’l bilan universitetning ilmiy salohiyatini ko’tarish; ✅Milliy reyting mezonlari, indikatorlari bo’yicha universitet ko’rsatkichlariga munosib shaxsiy hissa qo’shish, bu bo’yicha berilgan topshiriqlarni to’liq amalga oshirish, kelgusi yilda universitetimizning mamlakatimiz oliy ta'lim muassasalari reytingida kuchli 10 talikka kirishiga erishish.
