Oʼzbek filologiyasi fakultetining yangi oʼquv binosida Tojikiston Respublikasidan 40 dan ortiq kitoblar muallifi, el-yurt ardogʼlagan olim-tabib Mullozuhur Tohiriy tashrif buyurdi. Fakultet maʼmuriyati 6-1TOJ-19 filologiya va tillarni oʼqitish (tojik tili) guruhida uchrashuv hamda kitoblar taqdimotini tashkil etdi. Mullozuhur Tohiriy soʼnggi 3 yilda chop ettirgan “Tabobati dil be doru va muʼjizai gurusnagi” (Dushanbe: “Tib”, 2019, 104-bet), “Ob az tillo qimattar” (Dushanbe: “Tib”, 2018, 332-bet), “Аsrori oiladari va tabobati benasli” (Dushanbe: “Tib”, 2016, 240-bet), “100 dardu 100 darmon” (Dushanbe: “Tib”, 2016, 32-bet), “Схема лечения и профилактики рака по методике доктора Тохири” (Астана, 2016, 34 стр) kitoblarning mazmun-mohiyati haqida fikr bildirib, kitobxonlik madaniyatni oshirish va takomillashtirish boʼyicha kerakli maslahatlar berdi.Savol-javobdan soʼng filologiya va tillarni oʼqitish (tojik tili) talabalari uchun kerak boʼlgan 7 ta nomdagi kitob hamda 1998 yildan nashri amalga oshirilgan ilmiy-ommaviy “Solimi va darozumri” nomli roʼznomalarni sovgʼa sifatida topshirdi. 2019-yil 23-sentabrda oʼtkazilgan uchrashuv va kitoblar taqdimotida Filologiya fakulteti dekani, fil.fan.dok, prof. D.Z. Rajabov, “Oʼzbek adabiyoti” kafedrasi mudiri, fil.fan.dok, prof. Sh.N. Аhmedova, “Oʼzbek tilshunosligi” kafedrasi mudiri, fil.fan.nom., dots. А.R. Аhmedov, mazkur kafedra prof., fil.fan.nom. T.R. Choriev, fil.fan.nom., dots. T.H. Аsadovlar hamda 6-1TOJ-19 guruhida tahsil olayotgan 27 nafar talabalar qatnashdilar.
