2019-yilning 8-sentabr kuni Buxoro davlat universiteti Iqtisodiyot va turizm fakultetiga Boks bo'yicha jahon hamda olimpiada chempioni yurt iftixori Shahobiddin Zoirov bilan uchrashuv bo'lib o'tdi. Ushbu uchrashuvda Iqtisodiyot va turizm fakulteti dekani D.Sh. Yavmutov, fakultet professor-o'qituvchilari hamda faol va iqtidorli talaba yoshlari ishtirok etishdi. Uchrashuvda chempionimiz erishgan yutuqlari to'g'risida talabalarga so'zlab berdi. Shuningdek, talabalarimiz hamda professor-o'qituvchilarimiz tomonidan Shahobiddin Zoirovga ko'plab qiziqarli savollar berildi. Shahobiddin Zoirov BuxDU professor-o'qituvchilari hamda talabalari bilan kechgan uchrashuvdan bag'oyatda xursand bo'lgaliklarini aytib o'tdilar. Fakultet rahbariyati tomonidan chempionimizga estalik uchun sovg'alar topshirildi.
