2019-yilning 13-sentabr kuni Buxoro davlat universitetida Yoshlar bilan ishlash bo’yicha prorektor A. Kadirov, Viloyat IIB huquqbuzarlik profilaktikasi boshqarmasi bo’lim boshlig’i Sh. Jumayev, Xo’ja Ismat masjidi imom xatibi S. Gadoyev hamda universitet professor-o’qituvchilari va 400 nafar talaba yoshlar ishtirokida Jinoyatchilikning oldini olish va korrupsiyaga qarshi kurash mavzusida ma’rifiy uchrashuv o’tkazildi. Yoshlar bilan ishlash bo‘yicha prorektor A. Kadirov kirish so‘zi bilan ochib, kun tartibidagi mavzu bilan tadbir ishtirokchilarini tanishtirdi. Jamiyatimizda millatlararo hamjihatlik va totuvlikni mustahkamlash, barcha fuqarolarga millati va diniy e'tiqodidan qat'iy nazar, teng huquq va imkoniyatlar yaratish davlatimiz siyosatining eng muhim ustuvor yo‘nalishlaridan biridir. Dunyodagi dinlarning barchasi ezgulik g‘oyalariga asoslanadi va yaxshilik, tinchlik, do‘stlik kabi xususiyatlarga tayanadi.Odamlarni halollik va poklik, mehr-shafqat, birodarlik va bag‘rikenglikka da'vat etadi. Azal-azaldan ona yurtimizda islom, xristian, iudiylik, buddaviylik kabi din vakillari yonma-yon yashab kelgan. Asrlar mobaynida yirik shaharlarda masjid, cherkov va sinagogalarning mavjud bo‘lishi, turli millat va dinga mansub qavmlarning o‘z diniy amallarni erkin ado etib kelayotgani buning tasdig‘idir. Tariximizning eng murakkab, og‘ir davrlarida ham ular orasida diniy asosda mojarolar bo‘lmagani xalqimizning dinlararo bag‘rikenglik masalasida ulkan tajriba to‘plaganidan dalolat beradi. Shundan so‘ng so‘z navbatini Viloyat IIB huquqbuzarlik profilaktikasi boshqarmasi bo‘lim boshlig‘i Sh. Jumaevga berdi.– Assalomu alaykum, hurmatli fakultet jamoasi, ustozlar. Yoshlarimizga munosib ta'lim berish, ularning ilm-fanga bo‘lgan intilishlarini ro‘yobga chiqarishimiz hamda jamiyatda uchrab turadigan salbiy holat korrupsiyani oldini olish zarur. Mamlakatimizda olib borilayotgan islohotlar doirasida jamiyat hayotini barcha sohalarida korrupsiyani namoyon bo‘lishiga yo‘l qo‘ymaslik, korrupsiyani barcha shakllariga nisbatan murosasiz munosabatda bo‘lish hozirgi kundagi dolzarb vazifalardan sanaladi. Odamlarni halol mehnat qilishga undash hamda ularning huquqiy savodxonligini oshirish orqali korrupsiya muammosiga qarshi kurashish mumkin. Har qanday vaziyatda ham ta'magirlikka, poraxo‘rlikka yo‘l qo‘ymaylik. Bizning xatoimiz farzandlarimiz kelajagiga ta'sir qilib, bir umrga tamg‘a bo‘lmasin. Bunday illatlardan uzoq yuring. Har birimiz o‘z kasbimizdan kamol topib ishlaylik. Demak, davlat bizga shuncha imkoniyat qilib beryaptimi, buni qadriga yetaylik, shukur qilaylik. Hurmatli o‘qituvchilar, talaba yoshlarni halol mehnat qilishga, o‘z bilimi, kuch g‘ayrati va ijodiy qobilyati bilan yuksak marralarga erishish hissini tarbiyalaylik va bu borada barchamiz ularga o‘rnak bo‘laylik. Davra suhbatini Ho‘ja ismat masjidi imom xatibi S. Gadoev davom ettirdi: "Davlat diniy konfessiyalar o‘rtasidagi tinchlik va totuvlikni qo‘llab— quvvatlaydi. Bir diniy konfessiyadagi dindorlarni boshqasiga kiritishga qaratilgan xatti—harakatlar (prozelitizm), shuningdek boshqa har qanday missionerlik faoliyati man etiladi. Ushbu qoidaning buzilishiga aybdor bo‘lgan shaxslar qonun hujjatlarida belgilangan javobgarlikka tortiladilar".Ammo ayrimlar dindan niqob sifatida foydalanib, hokimiyatni qo‘lga kiritishga, o‘z yovuz niyatlarini amalga oshirishga intilishmoqda. Din davlatdan ajratilgan. Din davlat ishiga aralashmaydi va ayni paytda davlat ham shunday. Missionerlik va prozelitizmga yo‘l qo‘yilmaydi. Diniy mazmundagi adabiyotlarni saqlash, ko‘paytirish, tayyorlash, tarqatish yoki boshqalarni shu dinga o‘tishga targ‘ib etish qonun bilan cheklanadi. Shuning uchun atrofimizdagi voqealarga loqayd bo‘lmasdan, huquqbuzarlik holatlari sodir bo‘layotganini sezgan taqdirimizda tegishli tashkilotlarga xabar berishimiz, hech bo‘lmaganda guruh murabbiysi, dekanlarimiz, oliygoh rahbariyatiga ma'lum qilishimiz lozim. Talaba-yoshlarni ekstremistik oqimlar ta'siridan saqlash borasida hamkor tashkilotlar bilan universitetda qator ishlar amalga oshirib kelinmoqda. Bu boradagi ishlarni yanada kuchaytiramiz. Talaba-yoshlarning bo‘sh vaqtlarini unumli o‘tkazish maqsadida ularni ilm-fanga yo‘naltirib, bu kabi holatlar bo‘lmasligiga umid qilib qolamiz. Tadbir savol – javob tarzida davom ettirildi. Talabalar o‘zlarini qiziqtirgan savollar bilan mutaxassislarga murojaat qilishdi va barcha savollarga javob oldilar. Talaba-yoshlarning bo‘sh vaqtlarini unumli o‘tkazish maqsadida ularni ilm-fanga yo‘naltirib, bu kabi holatlar bo‘lmasligiga umid qilib qolamiz. Tadbir ochiq muloqot ruhida o‘tkazilib, yig‘ilganlar mavzu doirasida yetarlicha ma'lumotlarga ega bo‘ldilar.Buxoro davlat universiteti Matbuot kotibi Otabek Jalolov
