Shu yilning 3-oktabr kuni Buxoro davlat universiteti Agronomiya va biotexnologiya fakultetida Ustozlarga hurmat mavzusida bayram tadbiri o'tkazildi. Tadbirda universitetimizda faoliyat yuritgan elga tanilgan universitet faxriylari, universitet rektori O.X. Xamidov, O'quv ishlari bo'yicha prorektor M.I. Daminov, Xalqaro hamkorlik bo'yicha prorektor A.T. Jo'rayev, Ilmiy-ishlar va innovatsiyalar bo'yicha prorektor O.S. Qahhorov hamda Agronomiya va biotexnologiya fakulteti professor-o'qituvchilari ishtirok etishdi. Tadbirni BuxDU rektori O.X. Xamidov ochib berib, ustozlarni bayram bilan tabrikladilar.Ushbu tadbirda Agronomiya va biotexnologiya fakulteti talabalari chiroyli raqs, qo'shiqlari bilan chiqish qilishdi. Fakultet talabalari bayram dasturi tadbirga ko'tarinki kayfiyat bag'ishladi. Tadbir so'ngida universitet rektori O.X. Xamidov davlat stipendiyalariga sazovor bo'lgan universitetimiz faol iqtidorli talabalarini tashakkurnomalar hamda qimmatbaho sovg'alar bilan tabrikladilar.
