Bugungi kunda O`zbеkiston va Fransiya oliy ta'lim muassasalari bilan birgalikda Turizm va iqtisodiyot sohalari uchun mutaxassislarni tayyorlash borasida hamkorlik tobora kuchaymoqda. Joriy yilning aprеl oyida Buxoro viloyati hokimi O`.I. Barnoеv boshchiligidagi dеlеgatsiyaning Fransiyaga qilgan tashrifi davomida “Vatel” mehmonxona va turizm biznesi instituti filialini rahbariyati bilan ikki tomonlama manfaatli hamkorlikni yo`lga qo`yish borasida muzokaralar olib borilgan edi. Shuni alohida ta`kidlash joizki “Vatel” mehmonxona va turizm biznesi instituti - turizm va mehmonxona biznes sohasida dunyoning yetakchi institutlardan biri hisoblanadi. Ushbu institutning 35 ta mamlakatda 59 ta filiali faoliyat yuritmoqda. Institut turizm sohasi bo`yicha malakali menejerlarni va rahbarlarni tayyorlab beradi. Mazkur institutda bugungi kunda 7000 nafardan otriq talabalar tahsil olib, 35000 nafardan ortiq bitiruvchi tugatgan.2019 yilning 2-5 iyul kunlari Buxoro davlat universiteti rektori O.X. Xamidov hamda Buxoro viloyati hokimligi vakillari ikki oliy ta`lim muassasalari hamkorligini yo`lga qo`yish hamda Fransiyaning “Vatel” biznes va turizm instituti filialini Buxoroda ochish maqsadida Fransiyaga tashrif buyurishdi. Olib borilgan muzokaralarda O'zbekistonning Fransiyadagi Favqulodda va muxtor elchisi S.Rustamboyev, “Vatel” mehmonxona va turizm biznesi instituti Prezidenti A.Sebban janoblari ishtirok etishdi. A.Sebban takidlab o`tganidek, O'zbekistonda amalga oshirilayotgan islohotlar natijasida sayyohlar oqimi tobora ko'payib bormoqda. Shuningdek, “Marco Polo” programmasi asosida institutning boshqa davlatlardagi 2-kurs talabalari “Vatel”ning 59 ta filialidan biriga 1 yil davomida o'qishni o'tashi mumkinligiga alohida urg'u berib o'tdi.Lyon shahrida bo'lib o'tgan uchrashuv davomida Buxoro davlat universitet hamda “Vatel” mehmonxona va turizm biznesi instituti o'rtasida kelishuv imzolandi hamda “Vatel Lyon school” va “Vatel Gourmet” muassasalari faoliyati bilan tanishildi. Muzokaralar natijasida ikkala oliy ta`lim muassasasi o`rtasidagi uchrashuvlar Buxoroda franshiza asosida “Vatel” mehmonxona va turizm biznesi institutining filialini ochish shartnomasi imzolandi.
