Kecha ijtimoiy tarmoqlarda tarqalgan va xuddiki BuxDUda magistratura imtihonlari jarayonlarida kuzatilgan noxolislik holati boʼyicha fikr bildirishni maʼqul deb topdik. Universitetda magistratura mutaxassisliklariga kirish imtihonlarini shaffof va adolatli oʼtkazish uchun barcha shart-sharoitlar yaratilgan. Nazorat ishlariga nafaqat tajribali mutaxassislar, balki jamoatchilik vakillari ham taklif etilgan. 2019 yilning 6 avgust kuni mutaxassislik fanlari boʼyicha magistraturaga kirish imtihonlari oʼtkazildi.Imtihon jarayonida nazorat kameralari muntazam ravishda ishlab turdi. Bundan tashqari, masʼullar tomonidan maqolada keltirilgan surat oʼrganib chiqilib, haqiqatan ham ushbu biletda orfografik xatolar borligi aniqlanib, savollarni tuzgan muallifga nisbatan tegishli choralar qoʼllanishi belgilandi. Shuningdek, masʼullar tomonidan tegishli tartibda mutaxassislik imtixoni uchun topshirilgan ishlar koʼrib chiqildi. Oʼz baholaridan norozi boʼlgan abiturientlar uchun apellyatsiya komissiyasi tashkil etildi xamda 40 dan ortiq apellyatsiya ishlari oʼrnatilgan tartibda koʼrib chiqildi.BuxDU rahbariyati imtihonlarni shaffof va adolatli oʼtkazish uchun tunu-kun harakat qilmoqda. Shunga qaramasdan, ayrim universitet xodimlari tomonidan nomaqbullikga yoʼl qoʼyilganligi haqida asosli faktlar mavjud boʼladigan boʼlsa, bunday xabarlarning mualliflaridan universitet rahbariyati bilan hamkorlik qilishini hamda tegishli choralar koʼrilishini taʼminlashda yordamchi boʼlishlarini soʼrab qolamiz. Universitet raxbariyati barcha eʼtiroz va takliflarni murojaatchilar bilan yuzma – yuz koʼrishib, oʼrnatilgan tartibda tezkorlik bilan xal etilishini kafolatlaydi.Buxoro davlat universiteti matbuot xizmati
