Buxoro davlat universitetida 2019-yil 12-aprel kuni «O‘zbekistonda chorva ozuqasi ekinlari hosildorligi va ozuqa yetishtirishning samaradorligini oshirish» mavzusida Respublika miqyosida bo‘lib o‘tadigan ilmiy-amaliy anjumani bo‘lib o‘tdi.Anjuman maqsadi: O‘zbekistonda chorva ozuqasi ishab chiqarishni rivojlantirish, chorva ozuqasi ekinlari hosildorligi va chorva mahsuldorligini yuksaltirish, chorva ozuqasini ishlab chiqarishning istiqbolli yo‘nalishlari bo‘yicha ilmiy asoslangan takliflar va amaliy tavsiyalar ishlab chiqishdan iborat.Buxoro viloyatining chorvachilik sohasidagi salohiyatini o‘rganish asosida sohani rivojlantirish va chorva ozuqa bazasini mustahkamlashga oid mazkur ilmiy-amaliy anjuman Buxoro davlat universiteti olimlari “Chorvachilikning ozuqa bazasini rivojlantirish orqali chorvachilik mahsulotlari yetishtirishning iqtisodiy samaradorligini oshirish (Buxoro viloyati misolida)” mavzusidagi OT-A-QX-2018-22 raqamli 2018-2020-yillarga mo‘ljallangan amaliy tadqiqot loyihasi doirasida tashkil etilib, anjuman natijalari bo‘yicha ishlab chiqiladigan taklif va tavsiyalar muhim ilmiy-amaliy ahamiyatga egadir.Mazkur anjuman ishtirokchilari jami 70 ta ma’ruzalari bilan qatnashishmoqda. Jumladan, Qarshi muhandislik iqtisodiyot institutidan, Toshkent davlat agrar universitetidan, Urgench davlat universitetidan, Qishloq xo‘jaligi iqtisodiyoti ilmiy tadqiqotlar institutidan va boshqa oliy ta’lim muassasalari va ilmiy tadqiqot institutlaridan ma’ruzalar mavjud. Anjumanda prefessor-o‘qituvchilar bilan bir qatorda Buxoro viloyati qishloq xo‘jaligi boshqarmasi boshlig‘i o‘rinbosari N.Po‘latov va bir qator chorvachilikka ixtisoslashtirilgan fermer xo‘jaliklar rahbarlari qatnashishdi. Shuningdek, mazkur anjumanning nufuzini oshirgan Germaniyaning Senior Experten Service (SES) tashkiloti vakili janob Jens Richard Lindeman ishtiroklari va ma’ruzasi Respublika miqyosidagi anjumanni xalqaro darajada o‘tkazilishi alohida ahamiyatga egadir.Mannon OtaboyBuxDU matbuot kotibi
