Buxoro viloyat davlat soliq boshqarmasi xodimlari fuqarolar o‘rtasida xarid chekini olasizmi va uning ahamiyati haqida so‘rovnoma o‘tkazdilar. So‘rovnomada qatnashganlarning deyarli 95 foizi xarid chekini olmasliklarini ma’lum qilishgan. Bunday anglashilmovchilik va tushunmovchilik ayrim tadbirkorlarga soliq to‘lovidan qochish imkoniyatini yaratadi.Holbuki BuxDU talabalari o‘rtasida o‘tkazilgan so‘rovda ham ushbu holat o‘z aksini topdi. Shuning uchun viloyat davlat soliq boshqarmasi va Buxoro davlat universiteti hamkorlikda “Xarid chekini talab qilib oling” mavzusida katta tadbir o‘tkazdi. BuxDUning katta majlislar zalida o‘tgan targ‘ibot tadbirida soliq xodimlari bilan birga professor-o‘qituvchilar hamda talabalar ishtirok etdilar.Viloyat soliq boshqarmasi boshlig‘i Sherzod Ashurov yig‘ilish ishtirokchilariga soliqlar iqtisodiyotimiz tayanchi ekanligini, ular farzandlarimizning ta’lim olishiga, bepul va yuqori tibbiy xizmat ko‘rsatilishiga, kam ta’minlangan oilalar hamda nogironlarni ijtimoiy himoya qilishga, yo‘llarimiz ravon, armiyamiz qudratli bo‘lishiga, talabalarimiz stipendiyasi va keksalarimiz nafaqalariga sarflanishini alohida ta’kidladi.Soliqlar o‘z vaqtida to‘lanishi uchun hammamiz o‘z hissamizni qo‘shishimiz lozim-dedi notiq. - Har birimiz qilgan xaridimiz uchun chek talab qilsak soliqlar tushumi yanada ko‘payadi. Siz qilgan har bir xaridlar tadbirkor 0,03 foiz soliq to‘lashi lozim. Agar siz xarid chekini olmaydigan bo‘lsangiz tadbirkorga daromad solig‘ini yashirishga ko‘maklashib yuborasiz. Agar ozgina fidoyilik, ozgina vatanparvarlik ko‘rsataolsak bunga chek qo‘yiladi.Shundan so‘ng talabalar bir kunlik xarajatlari misolida bir yillik soliq to‘lovlarini hisoblab chiqdilar. So‘ng ular talabalar soniga ko‘paytirildi. Birgina talabalarning bir yillik xarajatidan (10 ming talaba misolida) tahminan qariyb bir milliard so‘m soliq to‘lanmayotgani ma’lum bo‘ldi. Bu viloyat aholisi bilan hisoblanganda katta raqamlar paydo bo‘ladi. Tadbir ishtirokchilari bundan hayratga tushdilar. Demak xarid chekini talab qilib olish fuqarolik burchimiz ekanini e’tirof etishdi.Tadbir so‘ngida ishtirokchilar bilimini yanada mustahkamlash uchun soliq xodimlari tomonidan tarqatma materiallar ham tarqatildi. Mannon OtaboyBuxDU matbuot kotibi
