Prezident Shavkat Mirziyoyev 2018-yil dekabrida Osiyo jurnalistlari assotsiatsiyasi (AJA) tomonidan «Osiyoda yil odami» deb topilgan edi. O‘shanda laureatlarni taqdirlash marosimi AJA’ning 2019-yil bahorida bo‘ladigan bosh assambleyasida o‘tkazilishi aytilgandi.AJA a’zosi, «Namanganskaya pravda» gazetasi bosh muharriri Dilmurod Jumaboyevning «Daryo»ga ma’lum qilishicha, 31-may kuni Toshkentda Osiyo jurnalistlari assotsiatsiyasining media-forumi o‘tkazilishi rejalashtirilmoqda. Prezident Mirziyoyevga «Osiyoda yil odami» mukofoti ham aynan shu tadbirda topshirilishi kutilmoqda.Avvalroq Shavkat Mirziyoyev Turkiyada «Yil davlat arbobi» deb topilgani haqida xabar berilgan edi. O‘zbekiston Prezidentiga atalgan mukofotni O‘zbekistonning Istanbuldagi bosh konsuli Shuhrat Aminov qabul qilib olgan.
