Buxoro shahrida “Nasriddin Afandi” va “Sharq taomlari” festivali qizg‘in davom etmoqda. Arkdan boshlab to Labihovuz majmuasigacha bo‘lgan masofada dor o‘yinlari, san’atkorlarning chiqishlari, viloyatdagi oliygohlarning quvnoqlar va zukkolar jamoalari tomoshalari odamlarga olam-olam quvonch bag‘ishlamoqda. Milliy hunarmandchilik mahsulotlari turgan rastalarning go‘yo ohangrabosi bordek, festival ishtirokchilari ular oldidan befarq o‘tib ketolmayapti.Ayniqsa, turli xorijiy davlatlardan kelgan sayyohlarni aytmaysizmi? Ular bunday o‘ziga xos festival va unga bag‘ishlangan rang-barang dasturlardan hayratda.Tomosha tinch yurtga yarashadi-deydi Buxoro shahrida yashovchi pensioner Ro‘zimurod Mahmudov. – Eski shahar bo‘ylab barcha oliygohlar o‘z mahoratlarini namoyish etishmoqda. Menga Buxoro davlat universiteti o‘qituvchi va talabalarining bayramona chiqishlari, latifa va xandalari, kuy hamda qo‘shiqlari manzur bo‘ldi.Hatto shahrimizni aylanib yurgan sayyohlar, ham bu yoshlar bilan hech tortinmasdan raqsga tushishyapti. Ko‘plab talabalarimiz mehmonlarning ona tilida bemalol muloqot qilishyapti. Ularga Afandi kimligi, sharq milliy taomlari haqida atroflicha ma'lumot berishayotgani ham diqqatimni tortdi.Zero, ularga tariximiz, vatanimiz haqida to‘g‘ri ma'lumot berish, chiroyli muloqot qilish nafaqat talabalar, xalqimiz muomala madaniyatidan dalolat beradi. Shu jihatdan ham BuxDU yoshlarining chiqishlarini mazza qilib tomosha qilyapman.Biz BuxDU talabalari va o‘qituvchilari bilan o‘zbekcha raqsga tushayotgan sayyohlarni suhbatga tortdik.Aprel Donato – Amerika Qo‘shma Shtatlarining Shimoliy Karalina shtati fuqarosi: Mana o‘zim ham talabalar bilan raqsga tushyapman. Agar yaratgan umr bersa, bu go‘zal diyorga yana kelaman. EDIE va Syuzan – Kamerunlik dugonalar:Talabalar va mehmonlar bir-birlariga shirin lutf va katta ehtirom bilan xayrlashdilar. Ortga burilib universitet o‘qituvchilari bilan xorazmcha lazgiga zavq bilan o‘yinga tushayotgan sayyohlarga duch keldim.Ikki kundan buyon yurtingizda mehmonmiz – deydi polshalik sayyoh Daryush. – Tanishing yonimdagi do‘stlarim Zini, Pyotr va Kasperlar. Toshkent va Samarqandda bo‘ldik, bugun Buxorodamiz. O‘zbek o‘qituvchilari va talabalari bilan raqsga tushganimizdan xursandman. Buxoroda juda katta taassurotlar oldik. Hammasi eslashga arzigulik xotiralar bo‘lib qoladi.Sharq, ayniqsa o‘zbek milliy taomlarining mazasi yo‘q qaysi mamlakatda yo‘q-deydi rossiyalik Konstantin Vinogradov. – Biz Yaroslavldanmiz. Do‘stim Maksim bilan festival taassurotlarini bo‘lishayotgan edik. Men turmush o‘rtog‘im va farzandlarimni olib kelmaganimdan pushaymon bo‘ldim. Keyingi safar, albatta, olib kelaman.Chunki Buxoro tarixiy obidalarga boy o‘ziga xos shahar ekan. U bir emas, bir necha bor kelib ko‘rishga arziydigan tarix. Bugungi tadbir ana shu an'ana bilan uzviylik kasb etib turibdi. Meni havasim keldi, bizga juda ham yoqdi.O‘zida qadimiy urf-odat va an'analarimizni mujassam etgan festival kechgacha davom etadi. Mannon OtaboyBuxDU matbuot kotibi
