O‘zbekiston xalq yozuvchisi, iste’dodli adib Tohir Malikning asarlari, ushbu asarlar asosida yaratilgan badiiy va hujjatli filmlar kirib bormagan xonadan bo‘lmasa kerak. Chunki ijodkor odamlar dardini, muammolarini hamda orzularini o‘z yuragidan o‘tkazib, unga qaynoq taftini bag‘ishlab qalam tebratadi. Uning qalamidan faqat mehr-muhabbat va insoniylik tuyg‘ulari to‘kiladi. Shu uchun ham adib yozgan asarlar dilga yaqin, kitobxonlar qo‘lidan tushmaydi.Kecha Buxoro davlat universitetining Xorijiy tillar fakulteti xorijiy til va adabiyoti (ingliz tili) ta’lim yo‘nalishi 2-kurs talabalari “Sharq Buxoro”kitoblar do‘koni bilan birgalikda Tohir Malik ijodiga bag‘ishlab “Men sevgan adib” mavzusida katta davra suhbati tashkil etishdi. Tadbirni fakultetning Yoshlar ishi bo‘yicha dekan muovini A.Jumayev boshlab berdi.Shundan so‘ng ingliz adabiyoti kafedrasi o‘qituvchisi Z.Jalilova talabalarga atoqli ijodkor Tohir Malikning hayoti, faoliyati, yaratgan asarlari, yozgan stenariylari haqida batafsil ma’lumot berdi.Donishlar demishlarkim: “Sen o‘zingni ko‘rmoq istaysanmi? U holda ko‘zgudagi tashqi qiyofangga emas, ichingdagi ko‘zguga boq”. Biz esa... kunda necha bor ko‘zguga qaraymiz. Qalbimizgacha? Deb “Odamiylik mulki” (axloq kitobi) asaridan parcha keltirib, yozuvchining bu asarini yozishdan maqsadi nima, u o‘quvchilariga qanday ma’naviy ozuqa berishi va tarbiyasiga qanday ta’sir ko‘rsatishi haqida fikr yuritdi.“Zulmat saltanati” kitobida adib bizlarni eng yomon illat haqidagi suhbatga chorlaydi. Hech birimizga sir emaski, mayxo‘rlikka, giyohvandlikka berilganlar, adashgan bandalar orasida o‘zimiz uchun eng ardoqli bo‘lmish insonlar – birovimizning ota-onamiz, birovimizning og‘a-inilarimiz, yana birovimizning farzandimiz, yaqin yoki uzoq qarindoshimiz, qo‘shnimiz, hamkasbimiz... ham bor. Ehtimol ular hidoyatdan adashganlarini bilarlar, ehtimol, bilmaslar. Bilmaganlarga bildirib qo‘yish vazifamiz emasmi? Ehtimol, ular jaholat va gunohlar jaridan qutulmoqchilar-u, ammo to‘g‘ri yo‘lga chiqishga kuchlari yetmayotgandir. Ularga yordam qo‘lini uzatib, iymonsizlikdan qutilishga ko‘maklashish burchimiz emasmi? Mazkur kitob ana shu xayrli ishimizda ko‘mak beradi-deb Ibrohim Vohidov o‘z fikrlarini bildirdi.Bundan tashqari yozuvchi ijodiga bag‘ishlangan tadbirda talabalar adib asarlaridan parchalar o‘qishdi va bahs-munozaralar yuritishdi.Mannon OtaboyBuxDU matbuot kotibi
