Ko‘hna va boqiy Buxoroda 20-oktyabr shahar kuni sifatida bayram qilinadigan bo‘ldi. O‘sha kuni ko‘z ko‘rib, quloq eshitmagan ajoyib tadbirlar, ko‘ngilochar tantanalarning guvohi bo‘lasiz.Festival doirasida “Sitora” bolalar istirohat bog‘idan “Ark” ko‘rg‘onigacha bo‘lgan hududda “Men Buxoroni sevaman!” shiori ostida marafon bo‘lib o‘tdi. Marafon ishtirokchilari “Eng faol nuroniy”, “Eng yosh ishtirokchi”, “Eng tezkor marafonchi” nominatsiyalari bo‘yicha taqdirlanadilar.Shahrimizdagi “Haqiqat” ko‘chasida esa shaharliklar va mehmonlarni “Buxoro shohona taomi” ko‘rik-tanlovi kutadi. Tanlovdan milliy taomlar va shirinliklar, qandolat va boshqa turdagi oziq-ovqat mahsulotlari ko‘rgazmalari o‘rin oladi.Festival o‘tadigan yo‘nalishlar bo‘ylab viloyatimiz folklor jamoalarining kuy-qo‘shiqlari ko‘nglingizga shodu xurramlik baxsh etadi. Har bir qadamda bitta tadbirga duch kelasiz, desam ishonavering.Chunonchi, “Eng namunali ko‘cha, “Eng obod mahalla va “Eng ibratli oila” ko‘rik-tanlovlari shular jumlasidandir.Ko‘ramiz, ushbu nominatsiya g‘oliblari kimlar bo‘lar ekan.Buxoro tasviriy va amaliy san’at muzeyi oldida bo‘lib o‘tadigan “Buxoro – ochiq osmonostidagi muzey” shiori ostidagi rasmlar ko‘rgazmasi ham muxlislarni qiziqtirishi tabiiy. Yoshlar markazida esa “Buxoro-Sharq gavhari” nomi bilan foto va videoroliklar qirollari aniqlanadi va rag‘batlantiriladi.Bunda shahrimizga bag‘ishlangan betakror va jozibador suratlar va video lavhalar bilan tanishamiz. Qolaversa, Buxoro muhandislik texnologiya institutida “Eng yaxshi arxitektor tanlovi ishtirokchilari yig‘iladi. Iqtidorli arxitektorlar o‘z mahoratlarini namoyish etadilar. “Eng yaxshi mehmonxona” hamda “Eng yaxshi turistik tashkilot” nominatsiyalarida soha tadbirkorlari o‘z kuchlarini sinab ko‘radilar. Bu ishbilarmonlar uchun eng zo‘r reklama desak, mubolag‘a bo‘lmaydi.“Buxoro kitob olami” majmuasida “Buxoro mening qalamimda” tanlovi yosh qalamkashlarni eng zo‘r she’r va maqolalar bahsiga chorlaydi. Aziz yoshlar, yurtingizni qanchalik sevishingizni katta raqobat maydonida namoyish etish imkoniyatingiz bor. Undan qanday foydalanishingiz sizning iqtidoringizga bog‘liq.Ushbu tantanalar qatoridan “Hunarmandlar festivali” hamda “Tashabbus-2018” ko‘rik-tanlovlari ham o‘rin olgan. Ushbu yo‘nalishdagi g‘oliblar poytaxtimizda o‘tadigan “Tashabbus” tanlovida ishtirok etadilar.Festivalni shahrimiz, respublikamiz va dunyo miqyosida keng yoritish va targ‘ib qilish uchun Buxoro neft va gaz kollejida matbuot markazi tashkil etilishi diqqatga sazovordir. Bu bevosita sayyohlar oqimini ko‘payishiga xizmat qilishi shubhasiz.Bayramona festival mashhur “Poyi Kalon” majmuasida o‘tadigan gala-konsert bilan nihoyasiga etadi. Galakonsertda viloyatdagi taniqli san’atkorlar, folklor jamoalari ishtirok etadilar.Registon maydonidan karnay-surnay sadolari ostida Labi hovuzgacha bo‘ladigan tantanali yurishda qatnashish uchun Siz azizlarni kutib qolamiz. Bunday go‘zal va jozibador lahzalar bir umr xotirangizda muhrlanib qolishiga shubha yo‘q.Yaqinlashib kelayotgan bayram muborak bo‘lsin, qadrli hamshaharlar!Mannon OtaboyBuxDU: matbuot kotibi
