O`zbekiston Respublikasi Prezidentining “Oliy ta`lim muassasalarida ta`lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta`minlash bo`yicha qo`shimcha chora-tadbirlar to`g`risida” 2018-yil 5-iyundagi PQ – 3775-son qarori bilan “Innovatsion g`oyalar yetakchisi” ko`krak nishoni ta`sis etildi.Ko`krak nishoni har yili Innovatsion g`oyalar haftaligi – “Inno Week.Uz” doirasida O`zbekiston Respublikasi Innovatsion rivojlanish vazirligi va O`zbekiston yoshlar ittifoqi tomonidan topshiriladi.“Innovatsion g`oyalar yetakchisi” ko`krak nishoni innovatsion g`oya va texnologiyalarni rivojlantirish va ularni amaliyotga tatbiq etishga munosib hissa qo`shgan yosh olimlar, talabalar hamda tashabbuskor fuqarolarga beriladi. Bundan tashqari O`zbekiston Respublikasi fuqarosi bo`lmagan shaxslar ham taqdirlanishi mumkin.Ko`krak nishoni bilan taqdirlangan shaxslar eng kam oylik ish haqining 20 baravari miqdorida biryo`la to`lanadigan pul mukofoti bilan taqdirlanadilar.
