“Rektor kubigi” uchun o‘tkazib kelinayotgan “Quvnoqlar va zukkolar” ko‘rik tanlovining final bosqichi o‘tkazildi. Viloyat yoshlar markazining muhtasham zalida o‘tgan tanlovda 6 ta jamoa ishtirok etib, to‘rtta ya’ni, tanishtiruv “final muborak”, biatlon sharti, videorolik “Aytolmaganimizni ko‘rsatamiz” va musiqiy chiqish “jonli fonogrammaga nima deysiz” kabi shartlar bo‘yicha bellashdilar.Ularning chiqishlarini baholab borish uchun viloyat Yoshlar ittifoqi, taniqli madaniyat xodimlari va BuxDU faollaridan iborat hakamlar hay’ati ish olib bordi. Har bir jamoa o‘ziga xos va takrorlanmas chiqishlari bilan besh yuzdan oshiq tomoshabinlarni hayratga solishdi. G‘oliblarni aniqlash oson kechmadi.Hakamlar hay’atining bir ovozdan bergan qaroriga ko‘ra filologiya fakultetining “FIFA” jamoasi uchinchi, Jismoniy madaniyat fakultetining “Olimpiya” va Harbiy ta’lim fakultetining “Chempion” jamoa ikkinchi, Tabiiy fanlar fakultetining “Biostar” jamoasi esa birinchi o‘rinni qo‘lga kiritdi.Shunday qilib Rektor kubogi “Biostar” jamoasiga nasib etdi. Bu yutuqni talabalarning Tabiiy fanlar fakulteti jamoasiga Yangi yil sovg‘asi desak aslo yanglishmaymiz. G‘alaba muborak “Biostar”! Mannon OtaboyBuxDU matbuot kotibi