O‘zbekiston Respublikasi Oliy va o‘rta maxsus ta‘lim vazirligining “Talaba-yoshlar ma‘naviy-axloqiy ongini shakllantirishning ijtimoiy-falsafiy xususiyatlari” mavzusidagi respublika ilmiy-amaliy konferentsiyasiAXBOROT XATI O‘zbekiston Respublikasi Oliy va o‘rta maxsus ta‘lim vazirligi O‘zbekiston Respublikasi Vazirlar mahkamasining 2018 yil 17 sentyabrdagi “Ta‘lim tizimida ma‘naviy-ma‘rifiy ishlar samaradorligini oshirish chora-tadbirlari to‘g‘risida”gi 736-sonli qarori bilan tasdiqlangan dasturning 23-bandida belgilangan vazifalar ijrosini ta‘minlash maqsadida “Talaba-yoshlar ma‘naviy-axloqiy ongini shallantirishning ijtimoiy-falsafiy xususiyatlari” mavzusida respublika ilmiy-amaliy konferentsiyasini o‘tkazadi. Konferentsiya 2018 yil 28 noyabrida O‘zbekiston Milliy universitetida o‘tkazilishi rejalashtirgan. Ushbu konferentsiyada O‘zbekiston ta‘lim tizimida ma‘naviy-ma‘rifiy ishlar samaradorligini oshirish chora-tadbirlarining innovatsion-metodologik asoslari, bu sohaga oid kreativ yondoshuvlar, talaba-yoshlar ma‘naviy-axloqiy ongini shakllantirishning ijtimoiy fanlarda ilmiy-nazariy hal etilishi lozim bo‘lgan vazifalari, falsafiy tamoyillarini o‘rganish hamda Vatan taraqqiyoti va kelajagi, global dunyoga integratsiyalashuv nuqtai nazaridan tahlil, targ‘ib etish masalalari muhokama etiladi. Muhokama qilinadigan muammolar quyidagilardan iborat: 1) Talaba-yoshlar ma‘naviy-axloqiy ongini shallantirishning zamonaviy innovatsion-metodologik masalalari. 2) Talaba-yoshlar ma‘naviy-axloqiy ongini shallantirishda milliy–ma‘naviy meros an‘analari. 3) O‘zbekistonda ta‘lim va fan sohasida yosh kadrlar ma‘naviy-axloqiy ongini shakllantirishda tizimli-strategik yondoshuv. 4) Ta‘lim tizimida ma‘naviy-ma‘rifiy ishlar samaradorligi talaba-yoshlar nigohida. Oliy ta‘lim muassasalari rektorlari va filiallari direktorlariga- o‘zlari rahbarlik qilayotgan muassasa professor-o‘qituvchilari va talaba yoshlarini mazkur konferentsiyadagi faol ishtirokini ta‘minlash;- ekspert guruhi tomonidan tanlab olingan maqolalar mualliflari va g‘oliblarini konferentsiyada ishtirok etishlarini ta‘minlash;- konferentsiya ishtirokchilarining xizmat safari bilan bog‘liq harajatlarini ularning asosiy ish joylaridan qoplanishini ta‘minlash vazifalari yuklatiladi. Ishtirokchilar uchun tezis-maqolalar topshirish tartib qoidalari: Tezis-maqolalar 2018 yilning 24 noyabriga qadar elektron pochta orqali faylda familiyasini ko‘rsatish yo‘li bilan yoki ma‘lumot tashuvchi vosita va qog‘ozdagi nusxasi bilan taqdim etiladi; anjuman rasmiy tili - o‘zbek , rus; ingliz; bir ma‘ruza, tezis-maqola xajmi 3-5 bet; har bir sahifa uchun 12 ming so‘m to‘lanishi lozim.Barcha matn shrifti - Times New Roman; shrift hajmi 14 RT; qatorlar o‘rtasidagi interval 1. Barcha hoshiyalar 2 sm, havolalar har betda pastda alohida raqamlanib keltiriladi; Sarlavha shrifti: 14 hajmda bo‘rttirilgan rangda, o‘rtada; muallif haqida ma‘lumotnoma (F.I.O., ilmiy darajasi, ilmiy unvoni, ish joyi va lavozimi, telefoni, elektron adresi: ye-mail ko‘rsatilgan holda) ilova qilinadi (shrift 14 qora harflarda);Berilgan maqolalar retsenzentlar tahlilidan o‘tadi. Konferentsiya mavzusi va nashr etish talablariga javob bermaydigan tezis-maqola matnlari qabul qilinmaydi. Materiallarni qog‘oz va elektron variantda quyidagi manzilga yuborishingizni so‘raymiz:Manzil: Toshkent shahri, Talabalar shaharchasi, O‘zMU rektorat binosi, 3-qavat, 318 -xona tel: (+998712465912),(+998909966068).Elektron manzillar: This email address is being protected from spambots. You need JavaScript enabled to view it.; This email address is being protected from spambots. You need JavaScript enabled to view it.; Matnlarni topshirish masalalari bo‘yicha koordinator f.f.d., prof. Sh.Madayeva, assistent A.Amirov.