Vatanparvarlik oyligiBuxoro davlat universitetida uch kundan buyon chaqiriqqacha harbiy ta’lim fakulteti va shahardagi harbiy qismlar hamkorligida harbiy vatanparvarlik oyligiga bag‘ishlangan tadbirlar o‘tkazilmoqda.Tadbirning ikkinchi kuni yanada ta’sirchan va qiziqarli, harbiylarning “syurpriz”lariga boy bo‘ldi. Zalda ishtirok etayotgan 500 dan ortiq talabalar Buxorodagi harbiy qismlarning birida xizmat qilayotgan, Buyuk Britaniyaning Brekon shahrida harbiylar o‘rtasida bo‘lib o‘tgan “Kembrin patruli” Xalqaro tanlovi g‘oliblari bilan samimiy muloqotda bo‘ldilar.O‘tgan yili Rossiyada o‘tgan xuddi shunday tadbirda 34 mamlakatdan qatnashgan 123 ta jamoa ichida faxrli ikkinchi o‘ringa sazovor bo‘lgan jamoa, joriy yilda 29 mamlakatning 139 ta harbiylar jamoasi orasida eng yuqori pog‘onaga ko‘tarildilar. Bu qahramonlik, bu fidoyilik emasmi?Ikki sutka davomida yelkada 35 kilogramm yuk bilan 70-80 kilometr masofaga marsh yurish, guruh zimmasiga yuklatilgan bir-biridan og‘ir topshiriqlarni bajarish, yarim tunda Kembrin tog‘lari bag‘ridagi erigan suvlardan hosil bo‘lgan daryodan kechib o‘tishning o‘zi bo‘ladimi? Ehtimol, yigitlarimizga Vatan tuyg‘usi, millat ori, qolaversa tadbirni tomosha qilishga kelgan Buyuk Britaniyada yashab, o‘qib, faoliyat yuritib yurgan yurtdoshlarimiz, millatdoshlarimizning qo‘llab-quvvatlashi cheksiz kuch baxsh etgandir. Keling, so‘zni jasorat sohiblarining o‘ziga beraylik.Meliev Anzur mayor, guruh boshlig‘i: Matmurodov Sardor, kapitan:Vatagnparvar - kim o‘zi? Zarur bo‘lsa Vatan uchun jonini bera oladigan inson. Ba’zi harbiylar O‘zbekistonni hali bilishmaskan. Bizning har tomonlama munosib g‘alabamizdan keyin suhbat asnosida Amir Temur avlodi ekanimizni anglab etishdi. SHundan so‘ng “Tamirlang” nomli kitobni topib, o‘qishni boshlashganini guvoxi bo‘ldik. Bundan g‘ururlanmay bo‘ladimi?To‘laboev Zuxriddin, serjant:Madaminov Abdulhamid kichik serjant:Xoljigitov Behzod, kichik serjant:- Xalqaro musobaqalarda tajribamiz asta-sekin oshib borayapti. Biz o‘nlab davlat harbiylari orasidan g‘olib chiqarkanmiz, ajdodlarimizga, ota-bobolarimizga munosib farzand bo‘lishga harakat qildik.Davlatimiz tomonidan harbiylarimizga, yoshlarga yaratilgan shart-sharoitlar, g‘amxo‘rliklar, zamonaviy harbiy texnologiyalardan oqilona foydalanishimiz tufayli yuqori pog‘onaga ko‘tarildik. Bunday xalqaro musobaqalar O‘zbekiston qurolli kuchlari salohiyatini namoyish etish uchun katta maydondir.Ha, bu shovvozlar ona vatanlarini, har qarich tuprog‘ini har qanday sharoitda ham himoya qila olish qobiliyatiga ega ekanliklarini dunyoga amalda ko‘rsata olishdi. Tanlov g‘oliblarining har bir chiqishlari talablar tomonidan olqishlab turildi.Tashqarida esa talabalar harbiylarning qurol-aslahalari bilan tanishib, ularni ishlatish jarayonidan saboq ham olishdi.Tadbirning uchinchi kuni harbiy texnikalar va qurollar namoyishi bilan boshlandi. YUzlab yigit-qizlar harbiylar mahoratini havas bilan tomosha qildilar.SHundan so‘ng BuxDUning katta zalida harbiy orkestr sadolari ostida Ona Vatanga bag‘ishlangan kuy-qo‘shiqlar yangradi.Do‘mbira ovozidek urib turgan yosh yuraklar harbiylarga jo‘r bo‘lishdi.Biz g‘alabaga erishganimizdan so‘ng, inglizlar va boshqalar nima eb-ichib, qanday mashqlar bajarishimiz bilan ham qiziqishdi deydi – kichik serjant A.Madaminov.Darhaqiqat, buyuk ajdodlarimiz qornini to‘yg‘azgan ham ana shu tandirlar. Abdulhamid hazillashmagan, joydaricha qilib, yuragidagi gapning lo‘ndasini aytgan qo‘ygan. O‘zbek zaminidan kuch olib pishgan bug‘doy noni, patiri har qanday odamga jon kiritadi. Ta’mi og‘zingizda qoladi. Bo‘yi hech qachon dimog‘ingizdan ketmaydi. Bu hidni qo‘msamaydigan o‘zbekistonlikning o‘zi yo‘q.Darvoqe, shu kunlarda Buyuk Britaniyalik harbiylar shu g‘olib jamoa harbiy qismlarida bo‘lib, ularning nimalar iste’mol qilayotganliklari va qanday mashg‘ulotlar bajarishayotganliklarini ham o‘rganishayotgan ekan. Bu sizu bizga g‘urur baxsh etishi shubhasiz. Bu armiyamizning qudrati xorijda e’tirof etilayotganidan dalolatdir. Mannon Otaboy BuxDU matbuot xizmati
