Tadbirda imom xatiblar, huquqni muhofaza qilish idoralari xodimlari va BuxDU o‘qituvchi va talabalari ishtirok etdilar.Dolzarb mavzudagi ushbu tadbirni universitetning ma’naviy-ma’rifiy ishlar bo‘yicha prorektori A.Kadirov ochib berdi.Mavzu yuzasidan so‘zga chiqqan mutaxassislar yurtimizdagi tinchlik, osoyishtalik o‘z-o‘zidan bo‘lmayotgani, buning uchun tunni tongga, tongni tunga ulab qanchadan-qancha harbiylar, insonlar mehnat qilayotgani ta’kidlab o‘tildi.Siz-u biz ham ushbu muqaddas ne’matni asrab-avaylashga o‘z bilimimiz, xushyorligimiz bilan hissa qo‘shishimiz lozim. Zero, qanchadan-qancha yoshlar bilib-bilmay ekstremistik oqimlarga qo‘shilib qolayotgani dillarni xira qiladi.Qayerda ma’naviy bo‘shliq bo‘lsa, g‘alamislar o‘sha joyni nishonga olmoqda. Darhaqiqat, ular g‘oyasiga aldanib qolayotganlarning ko‘pchiligi ma’naviy qashshoq, mustaqil fikriga ega bo‘lmagan yoshlar bo‘lib chiqyapti. Ayniqsa, xorijda mehnat qilayotgan yoshlarimiz ularning tuzog‘iga ko‘proq tushayapti. Ishga joylab qo‘yaman, katta pul topasan, boyvachchaday yashaysan kabi aldovlarga uchish oqibati yaxshilikka olib kelmaydi. Hech kim tekinga bir so‘m ham bermaydi. Nahotki, shuni tushunish qiyin bo‘lsa.Ba’zan yoshlarimiz bilib-bilmay ekstremizm g‘oyalari bilan sug‘orilgan xabarlarni telegramlari orqali bir-birlariga uzatadilar. Shuni unutmanglarki, ularni tarqatish ham jinoyatdir.Prezidentimiz siz yoshlarga ishonadi, sizlarga tayanadi. Sizlar uchun yurtimizda barcha shart-sharoitlar yaratilgan. Faqat yaxshi bilim olib, xudo bergan iqtidoringizni vatan ravnaqi yo‘liga sarflang, azizlar.Tinchlik muqaddas ne’mat. Alloh, jannatdek yurtda yashashni siz-u bizga nasib etdi. Payg‘ambarimizning bir hadislarida qaysi toifa (jamiyat) nimani yaxshi ko‘rsa shuni bot-bot takrorlayveradi. Bizning xalqimiz tinchlikni yaxshi ko‘radi, shu uchun faqat tinchlikni gapiramiz, uni asrashga, avaylashga da’vat etamiz - deydi Fatxobod masjidi imom xatibi Ravshan hoji.Ha, biz go‘zal va jannatmonand vatanda yashayapmiz. Uni yomon ko‘zlardan asrash, buyuk ajdodlarga munosib farzand bo‘lish burchimizdir. Mannon OtaboyBuxDU matbuot kotibi
