20 oktyabr kuni Buxoro viloyat Yoshlar markazida “Buxoro shahar kuni” festivali doirasida “Ko‘hna va boqiy Buxoro” mavzusida ilmiy-amaliy konferensiya bo`lib o`tdi.Ilmiy-amaliy konferensiyani Buxoro shahar hokimi K.J. Kamolov kirish so‘zi bilan ochdi. Shundan so‘ng, Buxoro viloyati va shahrining turistik salohiyati va imkoniyatlari xususida Buxoro viloyat Turizm depаrtamenti boshlig‘i F. Xodjaevning “Buxoro mustaqillik yillarida: turizmni rivojlantirish istiqbollari” mavzusidagi ma’ruzasi tinglandi.Yalpi yig‘ishda Buxoro davlat universiteti professor-o‘qituvchilardan t.f.n. dotsent, M.B.Qurbonovaning “Buxoro milliy taomlari gostronomik turizmni rivojlantirish omili”, tarix fanlari bo‘yicha falsafa doktori (Ph.D) O.Qilichevning “Buxoro qog‘ozi tayyorlangan ustaxonalar tarixidan” hamda katta o‘qituvchi M.Orzievlarning “Buxoroda sug‘orish tarixi va irrigatsiya inshootlarining ahamiyati” mavzularidagi ma’ruzalari tinglandi.Toshkent Irrigatsiya va qishloq xo‘jaligini mexanizatsiyalash muhandislari instituti Buxoro filiali nomidan t.f.n. dotsent, A.G‘afurovning “XX asr 20 yillarda Buxoro: tarix va tahlil”, Buxoro muhandislik-texnologiya instituti nomidan esa t.f.n. dotsent, B.Mirzaqulovning “Somoniylar davrida Buxoroda davlat boshqaruvi” mavzularidagi ma’ruzalar ilmiy-amaliy konferensiya ishtirokchilarida katta qiziqish uyg‘otdi.Ilmiy-amaliy konferensiya “Buxoroi arxeologiyasi, etnografiyasi va toponimikasi”, “Buxoro vohasi davlatchilik asoslari, shaharsozlik, moddiy va ma’naviy madaniyat”, “Buxoro tarixshunosligi va manbashunosligi”, “Buxoro mustaqillik yillarida: turizmni rivojlantirish istiqbollari” kabi sho‘‘ba yig‘ilishlari shaklida o‘z ishini davom ettirdi.Bunday anjumanlar viloyatda turizmni rivojlantirishga xizmat qilishi shubhasiz.BuxDU matbuot kotibiMannon Otaboy
