Ta’lim sohasiga bag’ishlangan onlayn muloqot davom etmoqda.Juda ko’plab savollar bu yil oliy ta’lim muassasalariga kirish imtihonlari qanday tartibda tashkil etilishi haqida bo’lyapti.Quyida bu yilgi imtihonlarni tashkil etish jarayoni haqida ma’lumot beramiz.2018 yil 3 aprelda “Oliy ta’lim muassasalariga o’qishga qabul qilish tartibini yanada takomillashtirish to’g’risida”gi Hukumat qarori qabul qilingan.Qarorga ko’ra, bu yildan abiturientlarning o’qishga qabul qilish haqidagi arizalarni topshirish muddati o’zgargan. Hujjatlar 15 iyundan 15 iyulgacha qabul qilinadi. Ilgari hujjatlar 20 iyundan 20 iyulgacha qabul qilinar edi.E’tiborli jihati, Toshkent davlat yuridik universitetga hujjatlarni topshirish uchun Toshkentga kelish shart emas.TDYuU qabul komissiyasiga hujjatlarni tegishli tuman (shahar)dagi Davlat xizmatlari markazlariga (oldingi “yagona darcha markazlari”) topshirish mumkin.Test sinovlariga kirish uchun ruxsatnoma (DTM) 29-31 iyul kunlari qabul komissiyasi tomonidan beriladi.Test sinovlarini o’tkazish muddatlari o’zgartirildi. Bu yil test sinovlari kunduzgi, maxsus sirtqi va kechki (smenali) ta’lim shakli uchun 1 avgustdan 15 avgustgacha bo’lgan muddatda kuniga ikki smenada o’tkaziladi. Birinchi smena soat 08:00 da, ikkinchi smena soat 15:00 da boshlanadi.Abiturient test sinovlari o’tkaziladigan kuni binoga tegishli hududga soat 07:00 (ikkinchi smena soat 13:00) gacha, binoga soat 07:30 (ikkinchi smena soat 13:30) gacha faqat abiturient ruxsatnomasi va pasporti bilan shaxsni identifikasiyalash vositalari hamda videofiksasiya qurilmalari orqali tartibli ravishda kiritiladi.Abiturient test sinovlari boshlanganidan so’ng binoga tegishli hududga kiritilmaydi.Test sinovlari Toshkent shahridagi katta binolarda, viloyat markazlarida esa — olimpiya zaxiralari kollejlari yoki boshqa tashkilotlarning katta sig’imdagi binolarida o’tkaziladi.Abiturient Oliy ta’lim muassasiga o’qishga kirgan yoki kira olmaganligini test sinovi o’tkazilgan kunning ertasiga Davlat test markazining rasmiy veb-sayti orqali bilib olishi mumkin bo’ladi.Qarorda yana bir muhim narsa belgilangan ya’ni testga shpargalka, telefon mikrokalkulyator va h.k. olib kirishga uringan abiturient o’sha zahoti testdan chetlatiladi. Avvallari telefon olib qolinib, uni nomerlangan konvertga solib, abiturientni o’zi testga kiritib yuborilar edi.Endilikda, olib kirishga urinishning o’ziyoq dalolatnoma tuzib, chetlatishga sabab bo’ladi.Eslatib o’tamiz soat 16:00 da esa adliya vaziri o’rinbosari — Toshkent davlat yuridik universiteti rektori Esemurat Kanyazov facebook.com ijtimoiy tarmog’idagi “Adliya bilan muloqot/Dialog s yustisiey” sahifasi orqali onlayn-muloqotga chiqib, ta’lim sohasida foydalanuvchilarning umumlashtirilgan va tasniflangan savollariga javob beradi.
