Buxoro davlat universitetida 26 ta mutaxassislik bo'yicha tahsil olayotgan 162 nafar bitiruvchi magistrlar bilan magistratura bo'limi boshlig'i Akmal Turayev yig'ilish o'tkazdi. Yig'ilishda magistrlarning ilmiy amaliyot(stajirovka)ga qatnashishlari, amaliyot hujjatlarining rasmiylashtirilishi, magistrlik dissertatsiya ishining dastlabki himoyasiga tayyorgarlik holati, korrupsiya holatlarini oldini olish bo'yicha masalalar muhokama qilindi.
Yig'ilishda universitet Buxoro davlat universiteti Korrupsiyaga qarshi kurashish "Komplaens-nazorat" tizimini boshqarish bo'limi boshlig'i Quliyev Yorqin Karimovich ishtirok etib, magistrlar bilan korrupsiya holatlarini keltirib chiqaruvchi omillarning oldini olish va korrupsiyaga qarshi kurashish bo'yicha tushuntirish ishlarini olib borib, talabalarni qiziqtirgan savollarga javob berdi.
