Filologiya fakulteti 1-bosqich talabalari bilan "Biz korrupsiyaga qarshimiz" mavzusida davra suhbati tashkil etildi. Tadbirda universitet "Korrupsiyaga qarshi kurashish "Komplaens-nazorat" tizimini boshqarish bo'limi boshlig'i Y.Quliyev, Ta'lim sifatini nazorat qilish bo'limi bosh mutaxassisi F.Saidkulova, Filologiya fakulteti dekani D.Rajabov, fakultet dekan o'rinbosarlari, tyutorlar hamda talabalar ishtirok etdi. Tadbirni fakultet dekani o'zining Oliy ta'lim tizimi yutuqlari, hozirgi paytga kelib korrupsiyaga qarshi kurashish naqadar muhumligi haqidagi kirish so'zi bilan ochib berdi. Oliy ta'limda korrupsiyaning ko'rinishlari, korrupsion holatlar sodir etilishi ehtimoli mavjud yo'nalishlar, korrupsion xavf-xatarlarni aniqlash va ularni baholash, korrupsion huquqbuzarlik sodir etilishi va uning oqibatlari, korrupsion jinoyat uchun jazo muqarrarligi va jazo turlari haqida Komplaens-nazorat bo'limi boshig'i Y.Quliyev o'z nutqida alohida to'xtaldi.
Shuningdek, "Bizning kelajagimiz SIZ YOSHLAR, har bir kuningizdan unumli foydalanib, bilim olib, oldingizga ulkan maqsadlarni qo'yib, yuqori cho'qqilarni zabt etishingiz kerak. Kelajakda sohangizning yaxshi mutaxassisi bo'lib yetishish uchun hozir yuqori darajada bilim olishingiz kerak." - dedi Komplaens-nazorat bo'limi boshig'i Y.Quliyev ta'lim sifatini nazorat qilish bo'limi bosh mutaxassisi F.Saidkulova o'z nutqida talabalarga ta'lim sifati darajalari, fan o'qituvchilari hamda talabalarga qo'yilgan talablar, vazifalari, ta'lim sifati qanaqa darajada bo'lishi kerakligi haqida tushuntirdi. Darslarning o'z vaqtida olib borilishi, fan bo'yicha hujjatlar olib borilishi, talabalar davomati haqida alohida to'xtaldi. Tadbir so'ngida talabalarga o'quv jarayonida shu kabi muammolar sodir bo'lganda murojaat qilish uchun telegram bot manzili hamda ishonch telefon raqamlari berildi.
