Agronomiya va biotexnologiya fakultetida tahsil oluvchi talabalar bilan "Korrupsiyasiz oliy ta'lim" mavzusida profilaktik tadbir o'tkazildi. Tadbirda fakultet tyutorlari D.Hafizova , Z. Qobilovalar va 3-kurs Biologiya yo'nalishida tahsil olayotgan talabalari ishtirok etishdi.
Aytish joizki, korrupsiyaga qarshi kurash borasida huquqiy madaniyatni yuksaltirish, poraxoʻrlik, tamagirlik kabi huquqbuzarliklarni aniqlash va ularga minbʼad chek qoʻyish, bunday jinoyatlarga qarshi jazo muqarrarligini har bir shaxs bilishi zarur. Korrupsiya balosining naqadar mudhish illat ekanini tushungan, uni ongli ravishda idrok etgan odam bu jinoyatga qoʻl urmaydi. Jamiyatda va Oliy ta'limda korrupsiyaning ko'rinishlari, korrupsion huquqbuzarlik sodir etilishiga sabab bo'luvchi omillar va ularning oqibatlari, javobgarlikka tortilish, pora berish, pora olish, pora olishda o'rtakashlik qilish, "Jinoyat kodeksi"ning 210, 211 va 212- moddalarida keltirilgan sabablar tushuntirildi. Darhaqiqat, har qanday vaziyatda ham halol odam hayotda gʻolib boʻlib, baxtli-saodatli yashaydi. Bugun butun jamiyatimiz ana shunday pokiza hayotga intilmoqda.Tadbirda talabalar bu mavzuda oʻzlarini qiziqtirgan savollariga atroflicha javoblar oldilar.
