Bugun Buxoro davlat universiteti Pedagogika fakultetining “Psixologiya” kafedrasi professor-o’qituvchilari A.Nazarov, D.Ismatova, Sh.Rustamov, S.Qosimovalar tomonidan Psixologiya ta’lim yo’nalishi 1-2-kurs talabalari ishtirokida “Korrupsiya taraqqiyot kushandasi” mavzusida targ’ibot tadbiri tashkil etildi. Tadbirda “Korrupsiyaga qarshi kurashish bo`limi” boshlig’i Quliyev Yorqin Karimovich tashrif buyurib, talaba yoshlarga universitet rektorining O.X.Xamidovning 2021 yil 20 oktyabr 428-U- sonli "Korrupsiyaga qarshi ichki nazorat tizimini joriy etishning ustuvor vazifalarini o'z vaqtida, to'liq va sifatli amalga oshirish to'g'risida"gi buyrug'i bilan professor-o’qituvchilar va talaba yoshlarni tanishtirdi.
Korrupsiya bu – jamiyatni turli yo‘llar bilan iskanjaga oladigan daxshatli illat ekanligiga bugun barchamiz guvoh bo‘lib turibmiz. Birlashgan Millatlar Tashkiloti Bosh Assambleyasining 2003-yil 21-noyabrdagi rezolyutsiyasiga muvofiq, 2004-yildan boshlab “9-dekabr – Butunjahon korrupsiyaga qarshi kurashish kuni” sifatida nishonlanadi.
Davlatimiz rahbari Shavkat Mirziyoyevning Oliy Majlisga Murojaatnomasida ham korrupsiya jamiyatimiz rivojiga g‘ov bo‘layotgan eng katta illat ekanligi, shuningdek, “Korrupsiyaga qarshi kurashishda aholining barcha qatlamlari, eng yaxshi mutaxassislar jalb qilinmas ekan, jamiyatimizning barcha a’zolari, ta’bir joiz bo‘lsa, “halollik vaksinasi” bilan emlanmas ekan, o‘z oldimizga qo‘ygan yuksak marralarga erisha olmaymiz. Biz korrupsiyaning oqibatlari bilan kurashishdan uning barvaqt oldini olishga o‘tishimiz kerak,” – deb ta’kidladilar.
