Buxoro davlat universiteti faollar zali 2019 yil 1 fevral kuni professor-o‘qituvchilar va talaba-yoshlar o‘rtasida “Ta‘lim muassasalarida korrupsiyaning oldini olish va unga qarshi kurashning ma‘naviy-ma‘rifiy asoslari” mavzusida ma‘rifiy uchrashuv o‘tkazildi.
Tadbirga Ma‘naviy-ma‘rifiy ishlar bo‘yicha prorektor A.Kadirov, Buxoro viloyat prokuraturasi 10.1-bo‘lim prokurori D.Zaripov, BuxDU Yoshlar bilan ishlash, ma‘naviyat va ma‘rifat bo‘limi boshlig‘i A.M.Jumayev, BuxDU Yoshlar ittifoqi yetakchisi F.Nurullayev huquqbuzarlik holatlari va poraxo‘rlikning oldini olish mavzusida ma‘ruza qilishdi. Uchrashuvga fakulьtet dekan muovinlari, Yoshlar bilan ishlash, ma‘naviyat va ma‘rifat bo‘limi xodimlari, 15 nafar professor-o‘qituvchilar hamda 400 nafar talaba-yoshlar ishtirok etdi. Tadbirda korrupsiyaga qarshi kurashda uning sabablari va shart-sharoitlarini bartaraf etish muhim ahamiyatga egaligi bir necha bor ta‘kidlab o‘tildi. Tadbir ochiq muloqot ruhida o‘tkazilib, yig‘ilganlar mavzu doirasida yetarlicha ma‘lumotlarga ega bo‘ldilar.
