Buxoro viloyatining chekka hududlari ya'ni Olot tuman 28- umumta'lim o‘rta maktabida o‘quvchi yoshlar bilan ishlashni samarali tashkil etishda madaniyat, san'at, sport, axborot texnologiyalari, kitob o‘qishga qiziqishini oshirish, o‘quvchilarni ijtimoiy faol hayotga jalb etish bo‘yicha O‘zbekiston Respublikasi Prezidenti tomonidan ilgari surilgan 5 ta muhim tashabbusning ikkinchi tashabbusi yuzasidan davra suhbati o'tkazildi. Ushbu davra suhbatida 28-maktab direktori K. Jumaev, MMIBDO‘ Z. Rajabova, jismoniy tarbiya o‘qituvchisi G‘. Sayfiev, BuxDU dotsenti p.f.n, R.H. Qadirov, J.J. Murodov, J.I. Qurbonov, yoshlar ittifoqi yetakchisi Q.Q. Qobiljonov BuxDUning Jismoniy madaniyat fakulteti faol talabalari qatnashishdi. Davra suhbatini maktab direktori K. Jumaev ochib berdi. Bugungi kunda O‘zbekiston Respublikasi Prezidenti Sh.M. Mirziyoyev boshchiligida ilgari surilgan yoshlarni ma'naviyatini yuksaltirish va ularning bo‘sh vaqtini mazmunli tashkil etish buyicha 5 ta muhim tashabbusning barkamol avlodni tarbiyalash uchun zarur shart-sharoitlarni yaratish, hamda o‘quvchilarni fanlarga yanada qiziqtirish, bo‘sh vaqtini mazmunli tashkil etish voyaga yetmagan yoshlarni turli yullarga kirishlarini oldini olish maqsadida olib borilayotgan ishlar haqida gapirdi. Buxoro davlat universitetining Jismoniy madaniyat fakulteti dotsenti p.f.n R.H. Qadirov, J.J. Murodov, J.I. Qurbonovlar so‘zga chiqib, ikkinchi tashabbus yoshlarni jismoniy chiniqtirish, ularning sport sohasida qobiliyatlarini qilishlari uchun zarur shart sharoitlar yaratilganligi tufayli o‘quvchi o‘g‘il-qizlarning erishgan yutuqlari, oliy o‘quv yurtiga imtiyozli o‘qishga kirgan qizlar, ular orasida Zulfiya nomli davlat mukofoti sovrindorlari borligi haqida aytdi. Sportning taekvandoo turi bo‘yicha 2 karra osiyo sovrindori, O‘zbek jang san'ati bo‘yicha 6 karra O‘zbekiston chempioni, Zulfiya nomidagi Davlat mukofoti laureati 2-bosqich talabasi so‘zga chiqib, erishgan yutuqlari zamirida tinimsiz mehnat va mashq qilganlari haqida gapirdi. Abdullaev Timur sportning Armrestling turi bo‘yicha O‘zbekiston chempioni, Sharipov Shamshir yengil atletika bo‘yicha O‘zbekiston chempioni, Salixova Ferangiz sportning voleybol turi bo‘yicha O‘zbekiston chempioni, O‘zbekiston terma jamoasi a'zosi - erishgan yutuqlari haqida gapirdi. Sportchi o‘g‘il-qizlarning chiqishi maktab o‘quvchilarida havas hisini uyg‘otishda, ularning sportga bo‘lgan qiziqishlarini oshirishda muhim ahamiyat kasb etdi. O‘quvchi o‘g‘il-qizlar o‘zlarini qiziqtirgan savollariga javob olishdi.Davra suhbati yakunida MMIBDO‘ Rajabova Zebo so‘zga chiqib, bolalar sportini rivojlantirish va ayniqsa jinoyatchilik, xukukbuzarlikni oldini olish o‘quvchi yoshlarni jismoniy tarbiya va sport bilan faol shug‘ullanishga ommaviy jalb etish maktab tizimini takomillashtirishning muhim vazifasi, maktab ta'limini rivojlantirish Davlat umummilliy dasturining ajralmas qismi ekanligini ta'kidlab o‘tdi.Tadbir bolalar sportini aniq maqsad yo‘lida va barqaror avj oldirishga ko‘maklashishda muhim ahamiyat kasb etdi.
