O‘zbekiston Respublikasi Vazirlar Mahkamasining 2018 yil 17 sentyabrdagi “Ta‘lim tizimida ma‘naviy-ma‘rifiy ishlar samaradorligini oshirish chora-tadbirlari to‘g‘risida”gi 736-sonli qarori bilan tasdiqlangan dasturning 16-bandida talaba va o‘quvchilar o‘rtasida diniy bag‘rikenglik va millatlararo totuvlik g‘oyalarini keng targ‘ib qilish, ogohlikni yanada kuchaytirish, atrofimizdagi hodisalarga loqayd qaramaslik, yoshlarimizni buzg‘unchi g‘oyalar va turli oqimlar ta‘siriga tushib qolishining oldini olish bugungi kunning dolzarb masalasidir.Jamiyatimizda millatlararo hamjihatlik va totuvlikni mustahkamlash, barcha fuqarolarga millati va diniy e‘tiqodidan qat‘iy nazar, teng huquq va imkoniyatlar yaratish davlatimiz siyosatining eng muhim ustuvor yo‘nalishlaridan biridir. Shu munosabat bilan universitet talaba-yoshlari o‘rtasida doimiy ravishda manfaatdor tashkilotlar bilan hamkorlikda davra suhbatlari va uchrashuvlar tashkil etib kelinmoqda. Jumladan, 2018 yil 1 noyabr kuni universitet kichik majlislar zalida Buxoro shahar “Sayfiddin Boharziy” masjid imom xatibi R. Kamolov bilan universitet yoshlar bilash ishlash, ma‘naviyat va ma‘rifat bo‘limi hamda Fizika-matematika fakulteti talaba-yoshlari bilan uchrashuv o‘tkazildi. Davra suhbatida fuqarolar totuvligi barqarorligini, turli millatlar vakillari o‘rtasidagi tinchlik va hamjihatlikni ta‘minlash, vatandoshlarimiz ongida ko‘p millatli yagona oila tuyg‘usini mustahkamlash borasida Prezidentimizning “Millatlararo munosabatlar va xorijiy mamlakatlar bilan do‘stlik aloqalarini yanada takomillashtirish chora-tadbirlari to‘g‘risida”gi Farmoni bu boradagi ishlarning mantiqiy davomi ekani, mazkur hujjat jamiyatda totuvlikni ta‘minlashga, milliy madaniy markazlar va do‘stlik jamiyatlari faoliyatini har tomonlama qo‘llab-quvvatlash va yanada rivojlantirishga, xorijiy mamlakatlar bilan madaniy-ma‘rifiy aloqalarni kengaytirishga xizmat qilishi ta‘kidlandi.
