O’zbekiston Respublikasi “Ta'lim to’g’risida”gi qonuni, Kadrlar tayyorlash milliy dasturi talablariga muvofiq O’zbekiston Respublikasi hududida faoliyat ko’rsatayotgan oliy ta'lim muassasalarida tahsil olayotgan talabalar orasidan eng iqtidorlilarini aniqlash, qo’llab-quvvatlash, ularning o’z bilimi va tabiiy qobiliyatlarini namoyon etish, rivojlantirish, o’zlarining noyob iste'dodlarini ro’yobga chiqarish uchun keng imkoniyatlar yaratish maqsadida universitetda 13-14 may kunlari RUS TILI VA ADABIYOTI fani bo’yicha talabalar Respublika fan olimpiadasining II bosqichi o’tkazildi. Olimpiadada Respublikamizning 15 ta oliy ta'lim muassasalaridan 15 nafar talaba ilmiy rahbarlari bilan ishtirok etdi.Olimpiada dasturiga ko’ra 2019-yil 13-may kuni talabalar Respublika fan olimpiadasining ochilish marosimida universitet ilmiy ishlar va innovatsiyalar bo’yicha prorektor O.S. Qahhorov kirish so’zi bilan ochdilar. Olimpiadaning Nizom talabalariga to’la rioya qilgan holda tashkil etilganligi, ayniqsa sinovlar o’tkaziladigan auditoriyalarda video kuzatuv tizimining o’rnatilganligi, zarur asbob-uskunalar bilan jihozlanganligi, ishtirokchilarning ilmiy rahbarlari va komissiya a'zolari uchun alohida xonalar tashkil etilgan. Talabalar Respublika fan olimpiadasining o’tkazishda amaliy yordam ko’rsatish bo’yicha vazirlikning mas'ul xodimi Buxoro tibbiyot instituti professori B. Hamdamov tabrikladi.Shu kuni soat 9:00dan olimpiada sinovlari boshlandi. 13 may kuni olimpiadaning 2 ta turi bo’yicha sinovlar yakunidan so’ng talabalar uchun Buxoro shahrining tarixiy-madaniy yodgorliklari qadimiy obidalariga sayohatlar uyushtirildi.
