2019 yilning 23 aprel kuni soat 16:00 da universitet faollar yig`ingohida Buxoro davlat universiteti rektori O.X. Xamidov professor-o`qituvchilar bilan ochiq muloqot o`tkazdi. Ushbu yig’ilishda universitet rahbari o’quv jarayoni samarali tashkil etish, yoshlarni qo’llab-quvvatlash, ilmiy ishlar va innovatsiyalar sohasini rivojlantirish, universitet moddiy-texnik bazasini rivojlantirish hamda mavjud muammolarni bartaraf etishga alohida e’tibor qaratdi.Ilmiy ishlar va innovatsiyalar sohasida universitet bilan xo`jalik ish yurituvchi korxonalar o`rtasida hamkorlik shartnomalari holati, innovatsion-korporativ hamkorlikni rivojlantirish, ta’lim sifati va ilmiy salohiyatni oshirish, universitet bitiruvchilar klubini tashkil etish, shuningdek, muhtaram Prezidentimizning yoshlar ma’naviyatini yuksaltirish, ularning bo’sh vaqtini mazmunli tashkil etish bo’yicha 5 ta tashabbuslarini qo’llab-quvvatlagan holda mamlakatimizda amalga oshirilayotgan islohotlarda professor-o’qituvchilarning faol ishtirokini ta’minlash bo’yicha tegishli vazifalar berildi.Shuningdek, yig`ilishda universitet rahbari talabalarining kiyinish odobi, salomlashish odobi, darslarda telefondan foydalanish kabi holatlarni oldini olish bo’yicha o’z fikr va takliflar berdi.
