Mamlakatimizda inson, uning hayoti, sha’ni, qadr-qimmati, erkinligi va boshqa daxlsiz huquqlari oliy qadriyat hisoblanadi. Shuningdek, Bosh qomusimizga muvofiq, hech bir fuqaro qiynoqqa solinmasligi hamda uning qadr-qimmatini kamsitmaslik, zo’ravonlik va shafqatsizlik kabi holatlarga yo’l qo’yilmasligi kafolatlangan.Ushbu huquqiy kafolatlar amalda to’liq ifodasini topishi uchun mamlakatimizda izchil chora-tadbirlar amalga oshirilmoqda. Shunday ekan, odam savdosining oldini olishga qaratilgan faoliyatlar ko’lami yanada kengaydi va jinoyat oqibatida jabrlanayotgan insonlarni aniqlash, ularga zarur yordam ko’rsatish ishlari muntazam davom etmoqda. Jumladan, 2016 yil 16 mart kuni Ma’naviyat va ma’rifat bo’limi, Harbiy fakultet 2 kurs talabalari ishtirokida TTJda tadbir o’tkazildi.
