Joriy yilning 19-sentabr kuni universitetimizga Yaponiyaning IT sohasi bo’yicha faoliyat olib boruvchi nufuzli “TSUNAGU” kompaniyasi bosh direktori Fujikuri Noriyasu va mazkur kompaniyaning direktor o’rinbosari Dmitriy Malishevlar tashrif buyurishdi. Mehmonlarni Buxoro davlat universiteti rektori O.X. Xamidov kutib olib ular bilan uchrashuv o'tkazdi. Uchrashuvda O'quv ishlari bo'yicha prorektor M.I. Daminov, Xalqaro hamkorlik bo'yicha prorektor A.T. Juraev hamda Xalqaro aloqalar bo'lim boshlig'i M. Qilichev ishtirok etishdi.
Ikki tomonlama muzokaralarda universitet hamda kompaniya orasida hamkorlik aloqalarini mustahkamlagan holda universitetimiz axborot texnologiyalarida faol iqtidorli talabalarni qisqa muddatli internship (malaka oshirish)ga Yaponiyaga yuborish hamda universitetda vebinar darslarini olib borish, talabalarning "TSUNAGU Co .Ltd" kompaniyasida faoliyat yuritishi bilan birgalikda yapon tilini o'rganish imkoniyati mavjudligi to'g'risida fikrlar yuritildi. Uchrashuv so'ngida BuxDU universiteti rektori O.X. Xamidov mehmonlarga estalik uchun sovg'alarni topshirdi. Mehmonlar shuningdek, Fizika-matematika fakultetining Axborot texnologiyalari yo'nalishi talabalari bilan seminar o'tkazishdi. Ushbu seminarda "TSUNAGU CO. ltd" kompaniyasining vakillari kompaniya haqida qisqacha ma'lumot berib, talabalarning savollariga javob berishdi. Mehmonlar seminardan so'ng BuxDU muzeyi hamda Yapon markaziga ham tashrif buyurishdi.
