O‘zbekiston Respublikasi Oliy va o‘rta maxsus ta’lim vazirligi, Maktabgacha ta’lim vazirligining 2018-yil 25-yanvardagi qarori, Oliy va o‘rta maxsus ta’lim vazirining 2018-yil 15-fevraldagi “Maktabgacha ta’lim muassasalari uchun kasbiy qayta tayyorlash kurslarini tashkil etish to‘g’risida”gi buyrug’iga asosan BuxDU huzuridagi XTXQT va UMO hududiy markazida maktabgacha ta’lim muassasalarini yuqori malakali kadrlar bilan ta’minlash maqsadida Defektologiya (logopediya), Amaliy psixologiya va maktabgacha ta’lim muassasasi tarbiyachisi mutaxassisliklari bo‘yicha kasbiy qayta tayyorlash kurslarida o‘quv jarayoni joriy yilning 22 fevralidan boshlandi.O‘quv mashg’ulotlarini olib borishga jalb etilgan professor-o‘qituvchilar Toshkent davlat pedagogika universiteti bazasida joriy yilning 19-21-fevral kunlari o‘tkazilgan on-layn seminar-treninglarga to‘liq ishtirok etdilar.Qisqa fursatda mutaxassisliklar bo‘yicha namunaviy o‘quv rejalar asosida ishchi o‘quv rejalar, namunaviy o‘quv dasturlari asosida ishchi o‘quv dasturlari ishlab chiqildi. O‘qitiladigan 37 ta modulning o‘quv majmualari tayyorlandi.Kasbiy qayta tayyorlov kurslari to‘rt oy davom etib, kursni muvaffaqiyatli tugatgan tinglovchilarga joriy yilning iyun oyida tegishli diplomlar beriladi.
