"Uning ham bir necha tumonoti bor. Mevasi ko‘p va xo‘p bo‘lur. Movarounnahrda u yerning qovunicha ko‘p va xo‘p qovun bo‘lmas. Yana olusi bilan ham mashhurdir. Uning olusidek olu hech yerda bo‘lmas. Uni qurutib tabarruklik bilan viloyatdan viloyatga eltarlar".Buxoro davlat universitetida Zahiriddin Muhammad Bobur tavalludiga bag‘ishlab o‘tkazilgan madaniy-ma‘rifiy kecha "Boburnoma"da Buxoroga berilgan ana shu ta‘rif bilan boshlandi.Tadbir shoh va shoir bobokalonimizning merosini targ‘ib etish, vatandoshlarimiz, ayniqsa, yosh avlod ongiga vatanparvarlik, buyuk siymolarimizga muhabbat, ulardan faxrlanish tuyg‘ularini singdirish va milliy g‘ururni shakllantirish maqsadida tashkil etildi. Unda professor-o‘qituvchilar, talaba-yoshlar va OAV vakillari ishtirok etishdi.Kechani BuxDU rektori, texnika fanlari doktori, professor A. To‘laganov kirish so‘zi bilan ochib berar ekan, Zahiriddin Muhammad Boburning o‘rta asr Sharq madaniyati, adabiyoti va she‘riyatida o‘ziga xos o‘rin egallagan adib, yirik davlat arbobi va sarkarda sifatidagi faoliyatiga alohida urg‘u berdi.— Bobur ijodi insonni komillikka yetaklovchi ulkan merosdir, — deydi filologiya fanlari nomzodi, ¬dotsent Shavkat Hayitov. — Ayniqsa, adabiyot, tarix, tilshunoslik, huquqshunoslik, musiqa va geografiyaga oid asarlari bizga tariximiz haqida juda ko‘p ma‘lumotlar berish bilan birga, o‘sha davr yozma manbalarini o‘rganishimizda muhim ilmiy manba bo‘lib xizmat qiladi. U adabiyot, san‘at, tarix, ilm-fanning turli sohalarida juda qimmatli asarlar yaratdi. Uning lirik devonlari, "Boburnoma"si, "Xatti Boburiy", "Harb ishi", "Musiqa ilmi" va boshqa bebaho asarlari o‘zbek adabiy tili, adabiyoti va ilm fanining ravnaq topishiga ulkan hissa bo‘lib qo‘shildi.Ma‘naviy-ma‘rifiy kecha davomida "Boburnoma"da Buxoroga munosabat" mavzuida davra suhbati ham tashkil etildi.Filologiya va tillarni o‘qitish o‘zbek tili ta‘lim yo‘nalishi talabalarining adabiy-musiqiy sahna ko‘rinishlari kechaga ko‘tarinki ruh bag‘ishladi.Manba:buxoronoma.uz
