"Ko‘hna va boqiy Buxoro" — viloyat musiqali drama teatrining muhtasham zalini to‘ldirgan olimlar, o‘qituvchilar, bo‘lajak tarixchi talaba-yoshlar, mehnat faxriylari, jamoatchilik vakillari ishtirokida festival dasturi doirasida o‘tkazilgan ilmiy-amaliy konferentsiya ana shunday deb nomlandi. Anjumanni taniqli voiz, tarixchi olim, "Nuroniy" jamg‘armasi viloyat bo‘limi raisi Farmon Aminov kirish so‘zi bilan ochdi va boshqarib bordi.Buxoro shahar hokimi Karim Kamolovning chiqishi Rim tengdoshi bo‘lgan bu diyorning o‘tmishi, buguni va istiqboliga bag‘ishlandi. BuxDU professori, tarix fanlari doktori Halim To‘rayev "Buxoro tarix chorrahalarida" mavzusida qilgan ma‘ruzasida bu ko‘hna zamin tarixini o‘rganish, uning qadimiy ko‘chalari va obidalarini asl holida saqlash bilan bog‘liq muammoli masalalar xususida to‘xtaldi.Shundan so`ng universitet professori Shodmon Hayitovning chiqishida Buxoro allomalarining Sharq va G‘arb sivilizatsiyasiga qo‘shgan ulkan hissasi ilmiy dalillar asosida ochib berildi. BuxDU professori Sulaymon Inoyatovning ma‘ruzasi esa Buxoro ma‘naviy taraqqiyotining jahoniy shuhratiga bag‘ishland -deyiladi Buxoronoma gazatasida chop etilgan "Tinch va obod yurtda bayramlar yarashadi" mavzuidagi maqolada (2017 yil 25 oktyabrdagi 85-sonida).
