Viloyatimiz ta'lim muassasalariga uzluksiz o'quv-uslubiy yordam ko'rsatish, talabalar va ular ongida olamning yagona ilmiy manzarasini shakllantirish va shu asosda vatanparvarlik tuyg'usini yanada mustahkamlash maqsadida Universitet professor-o'qituvchilari o'rta umumta'lim maktablari va akademik litsey xamda kasb hunar kollejlari bilan hamkorlikda turli xil tadbirlar: davra suhbatlari, ochiq nazariy va amaliy darslar, mehmon darslar, ilmiy - amaliy anjumanlar o'tkazib kelishmoqda.Jumladan, 2017 yil fevral-mart oyida Jondor Qurilish va Milliy hunarmandchilik KHK, yanvar oyida Buxoro tuman Galaosiyo Qurilish KHK, aprel oyida Jondor tuman 36-umumta'lim maktabida Fizika-matematika professor-o'qituvchilari ishtirokida o'tkazilgan tadbirlarda o'quvchi-yoshlar olam-olam taasurotlarga ega bo'ldilar. 2017 yil 8 iyun kuni Rometan Sanoat KHK samoviy jismlarni teleskop orqali bevosita kuzatish amaliy darsi bo'lib o'tdi. Tadbir davomida talabalar va o'qituvchilar dastlab Quyoshni, so'ngra quyosh botishi bilan ufqdan ko'tarila boshlangan Oyni kuzata boshladilar. Kechroq kirishi bilan havoning musaffoligi sabab o'zining butun chiroyini namoyon qila boshlagan Yupiter sayyorasi va uning tabiiy yo'ldoshlarini kuzatishga musharraf bo'ldilar. Kuzatish natijasida turli xil savol-javoblar bo'ldi. Tadbir ishtirokchilari bir olam tasavvurlarga ega bo'lishdi.
