2017 yil 21 fevral 513 - o'quv xonasi Buxoro davlat universiteti ilmiy ishlari prorektori K.A. Samiyev, fizika-matematika fakultetining 21 nafar professor-o'qituvchilari va ishchi xodimlari ishtirokida yig'ilish o'tkazdi.Har bir fakultet yig'ilishi va guruhlarda guruh murabbiylari tomonidan har bir talabagacha qaror mazmun-mohiyati tushuntirilib o'tilishi ta'kidlab o'tildi. Davra suhbati so'ngida savol-javoblar o'tkazildi. Unda professor o'qituvchilardan Axborot texnologiyalari kafedrasi o'qituvchisi Z.Jo'rayev, matematika kafedrasi katta o'qituvchisi A.Avezovlar ilmiy sohadagi va boshqa sohadagi o'zlarini qiziqtirgan savollariga yetarlicha javob oldilar. 2017 yil 2 may Harbiy fakultet ofitser-o'qituvchilari va ishchi-xodimlari bilan O'zbekiston Respublikasi Prezidentining 2017 yil 20 apreldagi 2909-sonli “Oliy ta'lim tizimini yanada rivojlantirish chora-tadbirlari to'g'risida”gi Qarori ijrosini ta'minlash maqsadida davra suhbati o'tkazildi. Buxoro davlat universiteti ilmiy ishlar prorektori K.Samiyev Qaror mazmun-mohiyatini kafedra shaxsiy tarkibiga slaydlar orqali yetkazildi.Buxoro davlat universiteti ilmiy ishlar prorektori K.Samiyev O'zbekiston Respublikasi Prezidentining “Oliy ta'lim tizimini yanada rivojlantirish chora-tadbirlari to'g'risida”gi 2017 yil 20 apreldagi 2909-sonli Qarorning mazmun-mohiyati, undagi har bir oliy dargoh uchun maxsus topshiriqlar va uni rivojlantirish maqsadida bir qancha masalalar haqida to'xtalib o'tdi. Ayniqsa, Buxoro davlat universitetida 2017-2021 yillarda rejalashtirilgan o'quv ishlaridagi o'zgartirishlar - yangi yo'nalishlar, bakalavr va magistr yo'nalishlarining ochilishi maqsadga muvofiqligi, undagi chet tilini o'rganishni rivojlantirish, malaka oshirish uchun chet ellarga borib malaka almashib o'rganib kelish, chet el oliygohlari bilan hamkorlikni yo'lga qo'yish va rivojlantirish, yosh pedagog kadrlarning ilmiy salohiyatini va malakasini oshirish, sinf-ustasi ya'ni “master-klassov”ga aylantirish, bakalavr va magistr yo'nalishlari bo'yicha mutaxasisliklarning ko'payishi va ularga qo'yilgan talablarning o'zgachaligi, o'quv, o'quv-uslubiy va ilmiy adabiyotlarining yangilanishi va chet el adabiyotlaridan foydalanish, o'quv mavsumini yaxshilash uchun o'tkaziladigan yangi qurilish ishlarini amalga oshirish masalalaridagi o'zgarishlar, o'quv moddiy bazani yangilash va foydalanish uchun topshirish, oliy ta'limdagi ma'naviy-axloqiy, tarbiyaviy va ma'rifiy targ'ibot ishlarni talaba-yoshlar orasida keng targ'ib etib borish, har qanday yot g'oyalarga nafrat uyg'otish, milliy o'zlikni anglash va mustaqillik g'oyalariga sodiq qolishlari uchun mustahkam irodani tarbiyalash zarurligi hamda oliy ta'lim tizimidagi o'zgartishlar to'g'risida gapirib o'tildi.
